കോഴിക്കോട്:നടൻ മാമുക്കോയയും സംഘവും സഞ്ചരിച്ച വാഹനമിടിച്ച് രണ്ടുപേർക്ക് പരിക്ക്.ഫറോഖ് സ്വദേശി പ്രശാന്ത്, ചേവായൂര്‍ സ്വദേശിനി ജോമോള്‍ എന്നിവര്‍ക്കാണ് പരുക്കേറ്റത്.ഇവരെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇരുവരും ഗുരുതരാവസ്ഥയിലാണ്.മാമുക്കോയയും സംഘവും സഞ്ചരിച്ച വാഹനം നിയന്ത്രണം വിട്ടു രണ്ടുകാറുകളും സ്‌കൂട്ടറും ഇടിച്ച്‌ തെറിപ്പിക്കുകയായിരുന്നുവെന്ന് പറയുന്നു.ഇവർ സഞ്ചരിച്ച വാഹനത്തില്‍ നിന്ന് മദ്യക്കുപ്പിയും ഗ്ലാസും കണ്ടെത്തിയിട്ടുണ്ട്. തൊണ്ടയാട് സൈബര്‍ പാര്‍ക്കിന് എതിര്‍വശത്താണ് അപകടമുണ്ടായത്. നിയന്ത്രണം വിട്ട ജിപ്പ് ബൈക്കിനെ ഇടിച്ചു തെറിപ്പിക്കുകയായിരുന്നു. തുടര്‍ന്ന് വയലിലേയ്ക്കിറങ്ങിയ ശേഷമാണ് ജീപ്പ് നിന്നത്. ബൈക്ക് പൂര്‍ണമായി തകര്‍ന്നു.