തിരുവനന്തപുരം:തിരുവനന്തപുരം പേട്ടയിൽ പൊട്ടിവീണ വൈദ്യുതി ലൈനിൽ നിന്നും ഷോക്കേറ്റ് രണ്ടുപേർ മരിച്ചു.വഴിയാത്രക്കാരായ പേട്ട സ്വദേശി രാധാകൃഷ്ണന്‍,നെടുമങ്ങാട് സ്വദേശിനി പ്രസന്നകുമാരി എന്നിവരാണ് മരിച്ചത്. വൈദ്യുതി കമ്പി വീണ് കിടക്കുന്ന വെള്ളക്കെട്ടില്‍ ചവിട്ടിയപ്പോഴാണ് അപകടം. പേട്ട പുള്ളിലൈനില്‍ ഇന്ന് പുലര്‍ച്ചെ 5.30 നാണ് സംഭവം.പത്ര വിതരണം നടത്തിയിരുന്ന കുട്ടിയാണ് രണ്ടു പേര്‍ ഷോക്കേറ്റ് കിടക്കുന്നത് കണ്ടത്. തുടര്‍ന്ന് ബന്ധപ്പെട്ടവരെ അറിയിക്കുകയായിരുന്നു.ഷോക്കേറ്റ രണ്ടു പേരേയും ആശുപത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു.കഴിഞ്ഞ ദിവസം പെയ്ത ശക്തമായ മഴയില്‍ പ്രദേശത്ത് വിവിധയിടങ്ങള്‍ വെള്ളക്കെട്ടുകള്‍ രൂപപ്പെട്ടിട്ടുണ്ട്.