തമിഴ്‌നാട്:രാമേശ്വരത്ത് ചിക്കന്‍ സ്റ്റാളില്‍ കോഴിയിറച്ചിക്കൊപ്പം കാക്കയിറച്ചി വിറ്റ സംഭവത്തിൽ രണ്ടുപേര്‍ അറസ്റ്റില്‍.വനം വകുപ്പാണ് പ്രതികളെ അറസ്റ്റ് ചെയ്തത്. കൂടാതെ ഇവരില്‍ നിന്നും 150 ഓളം ചത്ത കാക്കകളെയും പിടികൂടിയിട്ടുണ്ട്.ക്ഷേത്രത്തില്‍ ബലിച്ചോര്‍ തിന്ന കാക്കകള്‍ കൂട്ടത്തോടെ ചത്തതിനെ തുടര്‍ന്ന് നടത്തിയ അന്വേഷണത്തിലാണ് സംഭവത്തിന്‍റെ സത്യാവസ്ഥ പുറത്തുവന്നത്. മദ്യം ചേര്‍ത്ത ഭക്ഷണം നല്‍കിയതാണ് കാക്കകളുടെ മരണത്തിന് കാരണമായത്. ഇങ്ങനെ ചത്ത കാക്കകളുടെ മാംസം കോഴിയിറച്ചിക്കൊപ്പം കലര്‍ത്തി ഇവര്‍ വിറ്റുവരികയായിരുന്നുവെന്നും അന്വേഷണത്തില്‍ കണ്ടെത്തി.തുടര്‍ന്നാണ് ഇവരെ അറസ്റ്റ് ചെയ്തത്.