മട്ടന്നൂർ:കണ്ണൂർ വിമാനത്താവളം വഴി പാൻമസാല കടത്താൻ ശ്രമം.സംഭവവുമായി ബന്ധപ്പെട്ട് കാസർകോഡ് സ്വദേശി ഇഖ്ബാൽ മധൂരിനെ(45) എയർപോർട്ട് പോലീസ് പിടികൂടി.4951 പായ്ക്കറ്റ് പാൻപരാഗാണ് ഇയാളിൽ നിന്നും പിടികൂടിയത്.മുംബൈയിലേക്കാണ് ഇയാൾ പാൻ മസാല കടത്താൻ ശ്രമിച്ചത്.ചൊവ്വാഴ്ച ഉച്ചയ്ക്കുള്ള ഗോ എയർ വിമാനത്തിൽ മുംബൈയിലേക്ക് പോകാനെത്തിയതായിരുന്നു ഇയാൾ.സിഐഎസ്എഫ് ഉദ്യോഗസ്ഥർ സ്കാനറുപയോഗിച്ച് ബാഗ് പരിശോധിച്ചപ്പോഴാണ് രേഖകളില്ലാതെ കടത്താൻ ശ്രമിച്ച പാൻ മസാല പിടികൂടിയത്. കേരളത്തിൽ വിൽപ്പന നിരോധിച്ച പാൻമസാലകൾ മംഗളൂരുവിൽനിന്നെത്തിച്ചാണ് മുംബൈയിലേക്ക് കടത്താൻ ശ്രമിച്ചത്.കഴിഞ്ഞ ദിവസം ദോഹയിലേക്ക് കടത്താൻ ശ്രമിച്ച 1659 പായ്ക്കറ്റ് പുകയില ഉൽപ്പനങ്ങളുമായി കാഞ്ഞങ്ങാട് സ്വദേശി ജസീർ കണ്ണൂർ വിമാനത്താവളത്തിൽ പിടിയിലായിരുന്നു.