കണ്ണൂർ:നഗരത്തിൽ ഇന്നലെ മുതൽ പുതിയ ഗതാഗത പരിഷ്‌ക്കരണം നിലവിൽ വന്നു.വൈദ്യുതഭവന് മുൻപിലെ ബസ്‌സ്റ്റോപ് എടുത്തുമാറ്റിയാണ് പുതിയ പരിഷ്‌ക്കരണം.പുതിയതെരു ഭാഗത്തു നിന്നും പുതിയ ബസ്‌സ്റ്റാന്റിലേക്ക് വരുന്ന ബസ്സുകൾ വൈദ്യുത ഭവന് മുന്നിൽ നിർത്താതെ കളക്റ്ററേറ്റിന് എതിർവശത്തെ പെട്രോൾ പമ്പിന് സമീപം നിർത്തി ആളെയിറക്കണം.ഇതേ ഭാഗത്തു നിന്നും ജില്ലാ ആശുപത്രിയിലേക്ക് പോകുന്ന ബസുകൾക്കും വൈദ്യുത ഭവന് മുൻപിൽ സ്റ്റോപ്പ് ഇല്ല.ഈ ബസ്സുകൾ ഇനിമുതൽ താലൂക്ക് ഓഫീസിൽ ബസ്റ്റോപ്പിൽ നിർത്തണം.ഗതാഗതക്കുരുക്ക് ഒഴിവാക്കുന്നതിനായി ഏർപ്പെടുത്തിയ പരിഷ്‌ക്കാരത്തിൽ ബസ് ജീവനക്കാരും യാത്രക്കാരും സഹകരിക്കണമെന്ന് ട്രാഫിക് പോലീസ് ആവശ്യപ്പെട്ടു.