കോഴിക്കോട്:താമരശ്ശേരി ചുരത്തിലൂടെയുള്ള ഗതാഗതം താൽക്കാലികമായി പുനഃസ്ഥാപിച്ചു.വയനാട് ചുരത്തിലൂടെയുള്ള ചരക്കു വാഹനങ്ങളുടെയും ടൂറിസ്റ്റ് ബസുകളുടെയും നിരോധനമാണ് പിന്‍വലിച്ചത്. 15 ടണ്‍ ഭാരമുള്ളതും ആറു ചക്രങ്ങളോ അതില്‍ കുറവുള്ളതോ ആയ ചരക്കുവാഹനങ്ങള്‍ക്കായിരിക്കും ഇത് വഴി സഞ്ചരിക്കാന്‍ അനുമതി ലഭിക്കുക.ജൂണില്‍ ശക്തമായ മഴയെ തുടര്‍ന്നു റോഡ് തകര്‍ന്നതോടെയാണ് ചുരത്തിലൂടെയുള്ളഗതാഗതത്തിനു നിയന്ത്രണം ഏര്‍പ്പെടുത്തിയത്. ചെറിയ വാഹനങ്ങളും കെഎസ്‌ആര്‍ടിസിയും സ്വകാര്യ ബസുകളും താല്‍ക്കാലികമായി നന്നാക്കിയ റോഡിലൂടെ സര്‍വീസ് നടത്തിയിരുന്നു.