ഇലക്ട്രിക് കാര്‍ പുറത്തിറക്കി ടൊയോട്ട.മുതിര്‍ന്ന രണ്ട് പേര്‍ക്ക് ഇരിക്കാന്‍ ശേഷിയുള്ള ഒരു ‘അള്‍ട്രാ കോംപാക്ട്’ മൈക്രോ ഇലക്ട്രിക് കാറാണിത്. C+പോഡ് എന്നാണ് ടൊയോട്ടയുടെ പുതിയ ഉല്‍പ്പന്നത്തിന് പേര് നല്‍കിയിരിക്കുന്നത്.തുടക്കത്തില്‍ ജപ്പാനിലെ പ്രാദേശിക സര്‍ക്കാര്‍ സ്ഥാപനങ്ങള്‍, കോര്‍പ്പറേറ്റ് ഉപഭോക്താക്കള്‍, ഇലക്ട്രിക് വാഹനങ്ങള്‍ തങ്ങളുടെ ശ്രേണിയിലേക്ക് ഉള്‍പ്പെടുത്താന്‍ ഉദ്ദേശിക്കുന്ന മറ്റ് ഓര്‍ഗനൈസേഷനുകള്‍ തുടങ്ങിയവരെയാണ് കമ്പനി ലക്ഷ്യം വയ്ക്കുന്നത്.തുടർന്ന് 2022-ഓടെ C+പോഡിന്റെ സമ്പൂർണ അവതരണം നടത്താനാണ് ടൊയോട്ട പദ്ധതിയിട്ടിരിക്കുന്നത്.വെറും 2,490 മില്ലീമീറ്റര്‍ നീളം, 1,550 മില്ലീമീറ്റര്‍ ഉയരം, 1,290 മില്ലീമീറ്റര്‍ വീതിയുമാണ് വാഹനത്തിന്റെ അളവുകള്‍.കേവലം 3.9 മീറ്റര്‍ ടേണിംഗ് റേഡിയസാണ് C+പോഡിനുള്ളത് എന്നതും വളരെ ശ്രദ്ധേയമാണ്. ടോക്കിയോ പോലുള്ള നഗരങ്ങള്‍ക്ക് ഇത് അനുയോജ്യമായ ഒരു തെരഞ്ഞെടുപ്പാകുമെന്നതില്‍ സംശയവുമില്ല.9.06 കിലോവാട്ട്സ് ലിഥിയം അയൺ ബാറ്ററിയാണ് മൈക്രോ ഇലക്ട്രിക് വാഹനത്തിന്റെ ഹൃദയം. റിയർ ആക്‌സിലിൽ ഇൻസ്റ്റാൾ ചെയ്‌തിരിക്കുന്ന ഒരു ഇലക്ട്രിക് മോട്ടോറിനെ ബാറ്ററി ശക്തിപ്പെടുത്തുന്നു. മൊത്തം 12 bhp പവറും 56 Nm torque ഉം വികസിപ്പിക്കാൻ ഈ കാർ പ്രാപ്‌തമാണ്.ടൊയോട്ടയുടെ അവകാശവാദമനുസരിച്ച് C+പോഡിന് 150 കിലോമീറ്റർ മൈലേജാണുള്ളത്. 200V/16A വൈദ്യുതി വിതരണത്തിൽ അഞ്ച് മണിക്കൂറിനുള്ളിൽ കാറിന്റെ മുഴുവൻ ശേഷിയും ചാർജ് ചെയ്യാൻ കഴിയും. അതേസമയം സ്റ്റാൻഡേർഡ് 100V/6A പവർ സപ്ലൈയിൽ ചാർജിംഗ് സമയം 16 മണിക്കൂർ വരെ വേണ്ടിവരും.എക്‌സ്,ജി എന്നീ രണ്ട് വേരിയന്റുകളിലാണ് C+പോഡ് വില്‍പ്പനയ്ക്ക് എത്തുന്നത്. ബേസ് പതിപ്പിന് 1.65 യെന്‍ ആണ് മുടക്കേണ്ടത്. അതായത് ഏകദേശം 11.75 ലക്ഷം രൂപ. ജി വകഭേദത്തിന് 1.71 യെന്നാണ് വില. ഇത് ഏകദേശം 12.15 ലക്ഷം രൂപയോളം വരും.X വേരിയന്റിന് 670 കിലോഗ്രാം ഭാരവും G വേരിയന്റിന് 690 കിലോഗ്രാം ഭാരവുമാണുള്ളത്. വാഹനത്തിന്റെ ഭാരം കുറയ്ക്കാൻ ടൊയോട്ടയെ സഹായിച്ചത് പ്ലാസ്റ്റിക് കൊണ്ട് നിർമിച്ച ബാഹ്യ പാനലുകളാണ്.നിലവില്‍ ടൊയോട്ട സ്വന്തം ഉല്‍പ്പന്ന നിരയില്‍ നിന്നുള്ള കാറുകളേക്കാള്‍ കൂടുതല്‍ മാരുതിയുടെ പുനര്‍നിര്‍മച്ച കാറുകളാണ് ഇന്ത്യയില്‍ വില്‍ക്കുന്നത്. C+പോഡ് അള്‍ട്രാ കോംപാക്ട് ഇലക്ട്രിക് കാര്‍ ഇന്ത്യയില്‍ അവതരിപ്പിച്ചാല്‍ ടൊയോട്ടയ്ക്ക് തിളങ്ങാന്‍ സാധിക്കുമെന്നാണ് കണക്കുകൂട്ടലുകള്‍.കാരണം രാജ്യത്ത് നിലവിൽ ഇവി വിപണിയിൽ ഇത്തരമൊരു മോഡൽ ലഭ്യമല്ല എന്നതുതന്നെയാണ്.