തിരുവനന്തപുരം:വിവാഹ വാഗ്ദാനം നൽകി പീഡിപ്പിച്ചെന്ന ബിനോയ് കൊടിയേരിക്കെതിരായ പരാതിയിൽ കോടിയേരി ബാലകൃഷ്ണന്റെ പ്രതികരണം പുറത്ത്.വിഷയത്തിൽ ഇക്കഴിഞ്ഞ ജനുവരിയില്‍ മുംബൈ പൊലീസിന്റെ നോട്ടീസ് ലഭിച്ചിരുന്നുവെന്ന് കോടിയേരി വ്യക്തമാക്കി.മാധ്യമങ്ങള്‍ വഴിയാണ് കാര്യങ്ങള്‍ അറിഞ്ഞത് എന്ന് പറഞ്ഞിട്ടില്ല എന്നും അദ്ദേഹം പറഞ്ഞു.തിരുവനന്തപുരത്ത് സിപിഎം സംസ്ഥാന സെക്രട്ടേറിയേറ്റ് യോഗത്തിലെ തീരുമാനങ്ങള്‍ വിശദീകരിക്കാന്‍ വിളിച്ച വിഷയത്തിലാണ് കോടിയേരിയുടെ വെളിപ്പെടുത്തല്‍.കേസില്‍ മുംബൈ പൊലീസിന്റെ നോട്ടീസ് വന്നതിന് പിന്നാലെ ഭാര്യ വിനോദിന് മുംബൈയില്‍ പോയിരുന്നുവെന്നും കോടിയേരി ബാലകൃഷ്ണന്‍ വെളിപ്പെടുത്തി. അമ്മയെന്ന നിലയ്ക്ക് കാര്യങ്ങള്‍ മനസ്സലാക്കാനും നിജസ്ഥിതി അറിയാനുമാണ് അവര്‍ മുംബൈയിലേക്ക് പോയതെന്നും അദ്ദേഹം തിരുവനന്തപുരത്ത് പറഞ്ഞു.നേരത്തെ ബിനോയ് വിവാദത്തില്‍ ഒന്നും അറിയില്ല എന്ന കോടിയേരിയുടെ വാദം തെറ്റാണ് എന്ന് മുംബൈയിലെ അഭിഭാഷകനായ ശ്രീജിത്ത് വെളിപ്പെടുത്തിയിരുന്നു. ഇത് ശരിവെച്ചുകൊണ്ടായിരുന്നു ഇപ്പോള്‍ കോടിയേരി വെളിപ്പെടുത്തലുകള്‍ നടത്തിയത്.അതേസമയം യുവതിക്ക് കോടികള്‍ കൊടുത്ത് കേസ് ഒത്തുതീര്‍പ്പാക്കാന്‍ ശ്രമിച്ചു എന്ന ആരോപണവും കോടിയേരി ബാലകൃഷ്ണന്‍ നിഷേധിച്ചു. ചേദിക്കുമ്ബോള്‍ കോടികള്‍ എടുത്തുകൊടുക്കാന്‍ ഉണ്ടായിരുന്നെങ്കില്‍ ഇങ്ങനെ ഒരു കേസ് ഉണ്ടാകുമായിരുന്നോ എന്നും അദ്ദേഹം ചോദിച്ചു. മകന്‍ ബിനോയ് എവിടെയാണ് എന്ന് തനിക്ക് അറിയില്ലെന്നും അദ്ദേഹം ആവര്‍ത്തിച്ചു. ആര്‍ക്കുവേണണെങ്കിലും ബിനോയ് എവിടെ ഉണ്ടെന്ന് കണ്ടെത്താന്‍ കഴിയും എന്നും മാധ്യമപ്രവര്‍ത്തകര്‍ക്കും കണ്ടെത്താവുന്നതേ ഉള്ളുവെന്നും അദ്ദേഹം പറഞ്ഞു.