കൊച്ചി:സംസ്ഥാനത്തെ ബാങ്ക് ശാഖകളിൽ എത്തുന്ന സന്ദർശകർക്ക് പ്രാഥമികാവശ്യങ്ങൾ നിർവഹിക്കാൻ ശുചിമുറി സൗകര്യം ഉറപ്പാക്കണമെന്ന് സംസ്ഥാന മനുഷ്യാവകാശ കമ്മീഷൻ.ഇക്കാര്യം വിശദമായി പരിശോധിച്ച് ഒരുമാസത്തിനകം റിപ്പോർട്ട് സമർപ്പിക്കണമെന്ന് കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക് സ്റ്റേറ്റ് ലെവൽ ബാങ്കേഴ്സ് കമ്മിറ്റി(എസ് എൽ ബി സി) കൺവീനർക്ക് നിർദേശം നൽകി.മുതിർന്ന പൗരനായ വേങ്ങൂർ സ്വദേശി കെ ജോർജ് സമർപ്പിച്ച പരാതിയിലാണ് നടപടി.ശുചിമുറികൾ ഇല്ലാത്തത് മുതിർന്ന പൗരന്മാർക്കും സ്ത്രീകൾക്കും ധാരാളം ബുദ്ധിമുട്ടുകൾ സൃഷ്ട്ടിക്കുന്നതായും പരാതിയിൽ പറയുന്നു.