മലപ്പുറം:മലപ്പുറം താനൂരിൽ ഇന്ന് യുഡിഎഫ് ഹർത്താൽ.ഇന്നലെ താനൂർ ഉണ്ണ്യാലിൽ നബിദിന റാലിക്ക് നേരെ നടന്ന ആക്രമണത്തിൽ പ്രതിഷേധിച്ചാണ് ഹർത്താൽ.രാവിലെ ആറു മുതൽ വൈകുന്നേരം ആറു വരെയാണ് ഹർത്താൽ.പാൽ,പത്രം,ശബരിമല തീർത്ഥാടകർ, താനൂരിലെ അമൃത മഠം പൊങ്കാല മഹോത്സവം എന്നിവയെ ഹർത്താലിൽ നിന്നും ഒഴിവാക്കിയിട്ടുണ്ട്.ഇന്നലെ എ പി -ഇ പി സുന്നി പ്രവർത്തകർ തമ്മിൽ നടന്ന സംഘർഷത്തിൽ ആറുപ്രവർത്തകർക്ക് വെട്ടേറ്റു.തേവർകടപ്പുറത്തിന് സമീപം നടന്ന നബിദിന റാലിക്കിടെയാണ് ഇന്നലെ രാവിലെ എട്ടുമണിയോടുകൂടി സംഘർഷം ഉണ്ടായത്.