ന്യൂഡൽഹി:കനത്ത സുരക്ഷാ വലയങ്ങൾക്കിടെ രാജ്യം ഇന്ന് അറുപത്തിയൊമ്പതാമത്‌ റിപ്പബ്ലിക്ക് ദിനം ആചരിക്കുന്നു.രാജ്‌പഥിൽ നടക്കുന്ന റിപ്പബ്ലിക്ക് ദിനാഘാഷങ്ങളിൽ പത്തു രാഷ്ട്ര തലവന്മാരാണ് അതിഥികളായി എത്തുന്നത്.രാവിലെ ഒമ്പതുമണിക്ക് രാഷ്ട്രപതി രാംനാഥ് കോവിന്ദ് ദേശീയ പതാക ഉയർത്തി.ഇന്ത്യ ഗേറ്റിലെ അമർ ജവാൻ ജ്യോതിയിൽ പ്രധാനമന്ത്രി നരേന്ദ്ര മോഡി പുഷ്പചക്രം അർപ്പിച്ചു.തുടർന്ന് രാജ്പഥിലൂടെ കര-നാവിക-വ്യോമ സേനകളുടെ പരേഡും നടന്നു.ബ്രൂണെ,കംബോഡിയ,സിംഗപ്പൂർ,ഇന്തോനേഷ്യ, മലേഷ്യ, മ്യാന്മാർ,ലാവോസ്, തായ്‌ലൻഡ്,വിയറ്റ്‌നാം ,ഫിലിപ്പീൻസ് എന്നീ രാഷ്ട്രങ്ങളുടെ തലവന്മാരാണ് ഇത്തവണത്തെ റിപ്പബ്ലിക്ക് ദിനാഘോഷങ്ങൾക്കായി ഡൽഹിയിൽ എത്തിയിരിക്കുന്നത്. ഇതാദ്യമായാണ് ഇന്ത്യ ഇത്രയേറെ രാഷ്ട്രത്തലവന്മാരെ ക്ഷണിക്കുന്നത്.ഭീകരാക്രമണ സാധ്യത കണക്കിലെടുത്തു ഇത്തവണ കനത്ത സുരക്ഷയാണ് ഒരുക്കിയിരിക്കുന്നത്.