പാലക്കാട്:അട്ടപ്പാടി ഉള്‍വനത്തില്‍ വീണ്ടും തണ്ടര്‍ബോള്‍ട്ട് വെടിവെയ്പ്പ്.ഒരു മാവോയിസ്റ്റ് കൂടി കൊല്ലപ്പെട്ടു.ഒരു മാവോയിസ്റ്റ് നേതാവ് കൂടി കൊല്ലപ്പെട്ടതായാണ് റിപ്പോര്‍ട്ട്.ഇതോടെ ഏറ്റുമുട്ടലില്‍ കൊല്ലപ്പെട്ട മാവോയിസ്റ്റുകളുടെ എണ്ണം നാലായി.കഴിഞ്ഞ ദിവസത്തെ ഏറ്റുമുട്ടലില്‍ ഗുരുതരമായി പരിക്കേറ്റ മണിവാസകം ആണ് ഇന്നു മരിച്ചത്.അതേസമയം, ഇന്ന് രാവിലെയും അട്ടപ്പാടി വനത്തിനുള്ളില്‍ മാവോയിസ്റ്റുകളുമായി ഏറ്റുമുട്ടല്‍ നടന്നതായി റിപ്പോര്‍ട്ടുണ്ട്. മേഖലയില്‍നിന്ന് തുടര്‍ച്ചയായി വെടിയൊച്ചകള്‍ കേട്ടതായി മഞ്ജിക്കണ്ടി ഊരുനിവാസികള്‍ പറഞ്ഞു.കഴിഞ്ഞ ദിവസത്തെ ഏറ്റുമുട്ടലില്‍ വനത്തിനുള്ളിലേക്ക് ചിതറിയോടിയവരാണ് വെടിവയ്പ് നടത്തിയതെന്നാണ് വിവരം. മാവോയിസ്റ്റുകളുടെ പക്കല്‍ കൂടുതല്‍ ആയുധങ്ങള്‍ ഉള്ളതായുമാണ് തണ്ടര്‍ ബോള്‍ട്ട് സംഘത്തിന്‍റെ നിഗമനം. കഴിഞ്ഞ ദിവസത്തെ വെടിവയ്പില്‍ സ്ത്രീയുള്‍പ്പെടെ മൂന്നു മാവോവാദികള്‍ കൊല്ലപ്പെട്ടിരുന്നു.