തളിപ്പറമ്പ്:തളിപ്പറമ്പിൽ ബൈക്കുകൾ കൂട്ടിയിടിച്ച് മൂന്നുപേർക്ക് പരിക്കേറ്റു.ഇതിൽ രണ്ടുപേരുടെ നില ഗുരുതരമാണ്.പുഷ്പഗിരി സ്വദേശി സി.പി അദ്നാൻ(18),സഹൽ(22), പള്ളിവയലിലെ പി.ജെ മാത്യു(45) എന്നിവർക്കാണ് പരിക്കേറ്റത്.ഇന്നലെ രാത്രി 9.30 ഓടുകൂടിയാണ് അപകടം നടന്നത്.സ്വകാര്യ ബസ് ഡ്രൈവറായ മാത്യു ജോലി കഴിഞ്ഞ് ബൈക്കിൽ വീട്ടിലേക്ക് മടങ്ങവേ യുവാക്കൾ സഞ്ചരിച്ച ബൈക്കുമായി കൂട്ടിയിടിക്കുകയായിരുന്നു. അപകടത്തിൽ ബൈക്കുകൾ പൂർണ്ണമായും തകർന്നു.വാഹനങ്ങൾ പോലീസ് കസ്റ്റഡിയിലെടുത്തിട്ടുണ്ട്.