ബെംഗളൂരു:കർണാടകയിൽ ബസ് അപകടത്തിൽ മലയാളിയടക്കം മൂന്നുപേർ മരിച്ചു.ഇന്ന് പുലർച്ചെ മൂന്നുമണിയോട് കൂടി സഹലാപുരത്തിനും ഹാസനുമിടയിൽ ആലൂരിലാണ് അപകടം നടന്നത്. കാസർകോട്ട് നിന്നും ബംഗളൂരുവിലേക്ക് പോവുകയായിരുന്ന കെഎസ്ആർടിസി വോൾവോ ബസ് മറ്റൊരു ബസുമായി കൂട്ടിയിടിച്ചാണ് അപകടം ഉണ്ടായത്.ചെങ്കള പഞ്ചായത്ത് അംഗം അബ്ദുൾ സലാം പാണലത്തിന്‍റെ മകൾ ഫാത്തിമത്ത് സമീറ (25) ആണ് മരിച്ച മലയാളി.തിങ്കളാഴ്ച രാത്രിയാണ് ഫാത്തിമത്ത് സമീറയും പിതാവ് അബ്ദുൾ സലാമും കാസർഗോഡു നിന്ന് ബംഗളൂരുവിലേക്കുള്ള കെഎസ്ആർടിസി വോൾവോ ബസിൽ കയറിയത്.പരിക്കേറ്റ സമീറ തൽക്ഷണം മരിച്ചു.സമീറയുടെ പിതാവ് അബ്ദുൾ സലാം ഉൾപെടെ 25 യാത്രക്കാർക്ക് അപകടത്തിൽ പരിക്കേറ്റു. ഇവരിൽ അബ്ദുൾ സലാം അടക്കം ആറു പേരുടെ പരിക്ക് ഗുരുതരമാണ്.
.