മലപ്പുറം:മലപ്പുറത്ത് വാഹനാപകടത്തില് മൂന്ന് ഇതര സംസ്ഥാന തൊഴിലാളികള് മരിച്ചു. കൂട്ടിലങ്ങാടി ദേശീയപാതയില് ഇതര സംസ്ഥാന തൊഴിലാളികള് സഞ്ചരിച്ച ഗുഡ്സ് ഓട്ടോയില് ടാങ്കര് ലോറി ഇടിച്ചാണ് അപകടമുണ്ടായത്.പശ്ചിമ ബംഗാളുകാരായ സഹോദരങ്ങള് എസ് കെ സാദത്ത്(40), എസ് കെ സബീര് അലി(47), സെയ്ദുല് ഖാന് (30) എന്നിവരാണ് മരിച്ചത്. അപകടത്തിൽ രണ്ടുപേർക്ക് ഗുരുതരമായി പരിക്കേറ്റു.രാവിലെ ആറരയോടെയായിരുന്നു അപകടം. പരിക്കേറ്റ നിസാമുദീന്, ദീപക്കര് മണ്ഡല് എന്നിവരെ മഞ്ചേരി മെഡിക്കല് കോളേജ് ആശുപത്രിയിൽ പ്രവേശിപ്പിച്ചു.കോണ്ക്രീറ്റ് ജോലിക്ക് പോയ തൊഴിലാളികള് സഞ്ചരിച്ച ഗുഡ്സ് ഓട്ടോ ടാങ്കര് ലോറി ഇടിച്ചു തെറിപ്പിക്കുകയായിരുന്നു.