കാസർകോഡ്:ചെങ്കള തൈവളപ്പിൽ മൂന്നംഗ കുടുംബത്തെ വാടക ക്വാര്ട്ടേഴ്സില് മരിച്ച നിലയില്‍ കണ്ടെത്തി.ക്വാര്ട്ടേഴ്സില് താമസിക്കുന്ന മിഥിലാജ് (50), സാജിദ (38), സഹദ് (14) എന്നിവരെയാണ് ചൊവ്വാഴ്ച രാവിലെ ക്വാര്‍ട്ടേഴ്‌സിനകത്ത് വിഷം ഉള്ളില്‍ ചെന്ന് മരിച്ച നിലയില്‍ കണ്ടെത്തിയത്. ടൈലര്‍ ജോലി ചെയ്തു വന്നിരുന്നയാളാണ് മിഥിലാജ്.സാമ്പത്തിക പ്രശ്നമാണ് മരണകാരണമെന്നാണ് പ്രാഥമിക നിഗമനം.ക്വാര്‍ട്ടേഴ്സിന് പുറത്ത് ആരെയും കാണാത്തതിനാൽ അയല്‍വാസികള്‍ നോക്കിയപ്പോഴാണ് സംഭവം അറിഞ്ഞത്. വിദ്യാനഗര്‍ സി ഐ വി വി മനോജിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചു.