എറണാകുളം:എറണാകുളം പുതുവൈപ്പിൽ ഒരു കുടുംബത്തിലെ മൂന്നുപേരെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി.ആനക്കാരന്‍ വീട്ടില്‍ സുഭാഷന്‍, ഭാര്യ ഗീത, മകള്‍ നയന എന്നിവരാണ് മരിച്ചത്.നേരത്തെ മകളെ കാണാനില്ലെന്ന പരാതിയുമായി സുഭാഷന്‍ പോലീസില്‍ പരാതി നല്‍കിയിരുന്നു.ഇതനുസരിച്ച് പോലീസ് നടത്തിയ അന്വേഷണത്തിൽ ബംഗളൂരു വിമാനത്താവളത്തില്‍ ഗ്രൗണ്ട് ഹാന്‍ഡലിംഗ് വിഭാഗത്തിലെ ജീവനക്കാരിയായിരുന്ന മകള്‍ നയന കണ്ണൂര്‍ സ്വദേശിയായ യുവാവിനൊപ്പം താമസിക്കുന്നതായി കണ്ടെത്തിയിരുന്നു.തുടര്‍ന്ന് സുഭാഷന്‍ മകളെ രണ്ടു ദിവസം മുമ്ബ് വീട്ടിലേക്ക് കൂട്ടിക്കൊണ്ടു വന്നതായും പോലീസ് പറഞ്ഞു. സംഭവദിവസം രാവിലെ കുടുംബാഗങ്ങളെ പുറത്തു കാണാത്തതിനാല്‍ അന്വേഷിച്ചപ്പോഴാണ് മരണവിവരം അറിയുന്നത്.