ന്യൂഡൽഹി:ഡൽഹി ഗ്രെയ്റ്റർ നോയിഡയിൽ ആറുനില കെട്ടിടം തകർന്നു വീണ് മൂന്നുപേർ മരിച്ചു. കൂടുതല്‍ പേര്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിയിട്ടുണ്ടെന്ന് ആശങ്കയുണ്ട്. ഏതാനും വര്‍ഷങ്ങള്‍ക്ക് മുന്‍പ് പണികഴിപ്പിച്ച കെട്ടിടമാണ് തകര്‍ന്ന് വീണിരിക്കുന്നത്. ഇവിടെ അധികം താമസക്കാരില്ലായിരുന്നുവെന്നാണ് റിപോര്‍ട്ട്.കെട്ടിടത്തില്‍ താമസിക്കുന്നവരില്‍ ഭൂരിഭാഗവും നിര്‍മ്മാണ തൊഴിലാളികളാണെന്ന് പ്രദേശവാസികള്‍ പറയുന്നു. കെട്ടിടാവശിഷ്ടങ്ങള്‍ക്കിടയില്‍ കുടുങ്ങിയവരെ പുറത്തെടുക്കാനുള്ള ശ്രമങ്ങള്‍ പുരോഗമിക്കുകയാണ്.അവശിഷ്ടങ്ങള്‍ക്കിടയില്‍ ജീവനുള്ളവരെ കണ്ടെത്താനായി ഡോഗ് സ്‌ക്വാഡിന്റെ സഹായവും തേടിയിരുന്നു. എന്നാല്‍ ആരേയും കണ്ടെത്താന്‍ കഴിഞ്ഞില്ലെന്ന് ദേശീയ ദുരന്ത നിവാരണ സേന കമാന്‍ഡന്റ് പികെ ശ്രീവാസ്തവ പറഞ്ഞു.