കാസർകോഡ്:കാസർകോഡ് മഞ്ചേശ്വരത്ത് ട്രെയിൻ തട്ടി മൂന്നുപേർ മരിച്ചു.പൊസോട്ടെ പരേതനായ അബൂബക്കറിന്റെ മകൾ ആമിന(50),സഹോദരി ആയിഷ(40),ആയിഷയുടെ മൂന്നു വയസ്സുള്ള ആൺകുട്ടി എന്നിവരാണ് മരിച്ചത്.മഞ്ചേശ്വരം റെയിൽവെ സ്റ്റേഷന് സമീപം പാളം മുറിച്ചുകടക്കുന്നതിനിടെയാണ് അപകടമുണ്ടായത്.കാസർകോഡ് നിന്നും മംഗലാപുരം ഭാഗത്തേക്കുള്ള ട്രെയിൻ കടന്നുപോയ ഉടനെ ഇവർ പാളം മുറിച്ചു കടക്കുമ്പോൾ മംഗലാപുരം ഭാഗത്തും നിന്നും അടുത്ത ട്രാക്കിലൂടെ വന്ന എൻജിൻ തട്ടിയാണ് മൂവരും മരണപ്പെട്ടത്. മഞ്ചേശ്വരം പോലീസ് സ്ഥലത്തെത്തി അന്വേഷണം ആരംഭിച്ചു.