കണ്ണൂർ: കണ്ണൂരിൽ മയക്കു മരുന്നുമായി മൂന്ന് യുവാക്കള്‍ എക്‌സൈസിന്റെ പിടിയിലായി. പള്ളിയത്ത് മുരിക്കുംചേരിക്കണ്ടി അബ്ദുല്‍ റഹ്മാന്‍, ഇരിക്കൂര്‍ സ്വദേശി കെ.ആര്‍ സാജിദ് മാണിയൂര്‍ സ്വദേശി ബി.കെ മുഹമ്മദ് ഫാസില്‍ എന്നിവരാണ് ലഹരി വസ്തുക്കളുമായി പിടിയിലായത്.ഇവര്‍ സഞ്ചരിച്ച കാറില്‍ നിന്നും മൂന്ന് ഗ്രാം എ ഡി.എമ്മും എഴുപതു ഗ്രാം കഞ്ചാവ് എന്നിവ കണ്ടെടുത്തു.മാണിയൂര്‍ പള്ളിയത്ത് വച്ചാണ് രഹസ്യവിവരം ലഭിച്ചതിനെ തുടര്‍ന്ന് ഇവരെ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ബി.കെ ശ്രീരാഗ് കൃഷ്ണയുടെ നേതൃത്വത്തിലുള്ള സംഘം പിന്‍തുടര്‍ന്ന് പിടികൂടുന്നത്. റെയ്ഡില്‍ പ്രിവന്റീവ് ഓഫിസര്‍ എം.വി അഷ്‌റഫ് ,സിവില്‍ എക്‌സൈസ് ഓഫിസര്‍മാരായ കെ.വി ഷൈജു, കെ.വിനീഷ് എന്നിവരും പങ്കെടുത്തു.