കണ്ണൂർ:കണ്ണൂർ സിറ്റിയിൽ ബ്രൗൺഷുഗറുമായി മൂന്നു യുവാക്കൾ പിടിയിൽ.പുഴാതി കുഞ്ഞി പള്ളി ചെറുവത്ത് വീട്ടിൽ യാസിർ അറഫാത്ത് (23) തായതെരു സെയ്താകത്ത് വീട്ടിൽ അബ്ദുൾ ജബ്ബാർ (30) ചിറക്കൽ സിയാൽ ഹൗസിൽ മുഹമ്മദ് ഷിയാസ് (23) എന്നിവരെയാണ് ജോയിന്റ് എക്സൈസ കമ്മിഷണറുടെ സ്ക്വാഡ് ഇൻസ്പെക്ടർ എം -ദിലീപും സംഘവും പിടികൂടിയത്.ഇവർ വർഷങ്ങളായി ലഹരി ഉപയോഗിക്കുന്നവരും മയക്കുമരുന്ന് വില്പന നടത്തുന്ന കണ്ണിയിൽ പെട്ടവരുമാണെന്ന് ഉദ്യോഗസ്ഥര്‍ അറിയിച്ചു.ഇവരിൽ നിന്നും 6 ഗ്രാം ബ്രൌൺ ഷുഗറും നിരവധി സിറിഞ്ചുകളും പിടിച്ചെടുത്തു.ഇവർ സഞ്ചരിച്ച വാഹനവും പിടിച്ചെടുത്തിട്ടുണ്ട്.പ്രിവന്റീവ് ഓഫീസർ വി.കെ.വിനോദ്,സിവിൽ എക്സൈസ് ഓഫീസർമാരായ എം.വി.അഷറഫ്,വി.പി.ശ്രീകുമാർ,റിഷാദ് സി.എച്ച്, റജിൽരാജ്,എക്സൈസ് ഡ്രൈവർ ബിനീഷ് എന്നിവരാണ് എക്സൈസ് സംഘത്തിൽ ഉണ്ടായിരുന്നത്.പ്രതികളെ വടകര NDPS കോടതിയിൽ ഹാജരാക്കും.