തൊടുപുഴ:ഏറെക്കാലമായി വിവാദത്തിൽ നിൽക്കുന്ന കൊട്ടക്കമ്പൂരിലെ ജോയ്‌സ് ജോർജിന്റെ വിവാദ ഭൂമിയുടെ പട്ടയം റദ്ദാക്കി.ജോയ്‌സ് ജോർജിന്റെയും ഭാര്യയുടെയും ബന്ധുക്കളുടെയും പേരിൽ കൊട്ടക്കമ്പൂരിലുള്ള 20 ഏക്കർ ഭൂമിയുടെ പട്ടയമാണ് റദ്ദാക്കിയത്.കൊല്ലം,മൂന്നാർ സ്വദേശികളായ രണ്ടുപേരുടെ പേരിലുള്ള 5.4 ഏക്കർ ഭൂമിയുടെ പട്ടയവും കലക്റ്റർ വി.ആർ പ്രേംകുമാർ റദ്ദാക്കിയിട്ടുണ്ട്.സർക്കാർ തരിശുഭൂമിയാണെന്നാണ് ദേവികുളം സബ്കലക്ടറുടെ കണ്ടെത്തൽ. ഇക്കഴിഞ്ഞ ഏഴാം തീയതി ഭൂമിയുടെ രേഖകൾ ഹാജരാക്കാൻ നിർദേശം നൽകിയിരുന്നു. ഹാജരാക്കിയ രേഖകൾ പരിശോധിച്ചതിന്റെ അടിസ്ഥാനത്തിലാണ് നടപടി.