കാസര്‍ഗോഡ്:ജില്ലയിൽ കോവിഡ് സ്ഥിരീകരിച്ച മാധ്യമ പ്രവര്‍ത്തകനുമായി ഇടപഴകിയതിനെ തുടർന്ന് നിരീക്ഷണത്തില്‍ പോയ മുഴുവന്‍ പേരുടെയും പരിശോധനാ ഫലം നെഗറ്റീവ്. ഐ.ജി വിജയ് സക്കാറെ, ഡിവൈഎസ്പി തുടങ്ങിയവര്‍ ലിസ്റ്റില്‍ ഉള്‍പ്പെടുന്നുണ്ട്. കളക്ടറുടെ ഗണ്‍മാന്‍ ,ഡ്രൈവര്‍ എന്നിവരുടെ പരിശോധനാ ഫലവും നെഗറ്റീവാണ്.കഴിഞ്ഞ ദിവസമാണ് കാസര്‍ഗോഡ് മാധ്യമപ്രവര്‍ത്തകന് കൊവിഡ് സ്ഥിരീകരിച്ചത്. ഇതിന് പിന്നാലെ മാധ്യമപ്രവര്‍ത്തകനുമായി സമ്പർക്കത്തിലുണ്ടായിരുന്ന എല്ലാവരെയും നിരീക്ഷണത്തില്‍ പ്രവേശിപ്പിക്കുകയായിരുന്നു.ഇന്നലെ രണ്ട് പേര്‍ കൂടി രോഗമുക്തി നേടിയതോടെ ജില്ലയിലെ രോഗബാധിതരുടെ എണ്ണം 179 ആയി. 12 പേരാണ് നിലവില്‍ ആശുപത്രിയില്‍ ചികിത്സയിലുള്ളത്.