കൊച്ചി:പെരുമ്പാവൂരിൽ നിയമ വിദ്യാർത്ഥിനിയായ ജിഷ കൊല്ലപ്പെട്ട കേസിൽ ശിക്ഷ ഇന്ന് പ്രഖ്യാപിക്കും.കേസിലെ ഏക പ്രതിയായ അമീറുൽ ഇസ്ലാം കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു.കൊലപാതകം,ബലാൽസംഗം,വീട്ടിൽ അതിക്രമിച്ചു കടക്കൽ,തടഞ്ഞുവയ്ക്കൽ തുടങ്ങിയ കുറ്റങ്ങളാണ് പ്രതിക്കെതിരെ ചുമത്തിയിരിക്കുന്നത്. കുറ്റകൃത്യത്തിന്റെ സ്വഭാവം കണക്കിലെടുത്ത് പ്രതിക്ക് വധശിക്ഷ നൽകണമെന്ന് പ്രോസിക്യൂഷൻ കോടതിൽ ആവശ്യപ്പെട്ടു.അതേസമയം ദൃക്‌സാക്ഷികൾ പോലുമില്ലാത്ത കള്ളക്കേസാണിതെന്നും പ്രതിയുടെ പ്രായം കണക്കിലെടുത്ത് കുറഞ്ഞ ശിക്ഷ വിധിക്കണമെന്നും പ്രതിഭാഗം കോടതിയിൽ വാദിച്ചു.ഇന്നലെ പ്രതിഭാഗത്തിന്റെയും പ്രോസിക്യൂഷന്റെയും വാദം കേട്ട ശേഷമാണ് ശിക്ഷ പ്രഖ്യാപിക്കുന്നത് കോടതി ഇന്നത്തേക്ക് മാറ്റിയത്.