മസ്‌ക്കറ്റ്:മസ്‌ക്കറ്റിൽ കടൽവെള്ളം ചുവപ്പുനിറമാകുന്നു.ഇതോടെ ഒമാൻ മന്ത്രാലയം ജനങ്ങൾക്ക് മുന്നറിയിപ്പ് നൽകി.ബർക്കയിലാണ് കടൽവെള്ളം ചുവപ്പുനിറമാകുന്നത് കണ്ടെത്തിയിരിക്കുന്നത്. ഇത് കുടിവെള്ള വിതരണത്തെ ബാധിക്കുമെന്നതിനാൽ മസ്‌ക്കറ്റ് സീബ്,ദാഖിലിയ തുടങ്ങിയ മേഖലയിലെ ജനങ്ങൾ ജലഉപഭോഗത്തിൽ മിതത്വം പാലിക്കണമെന്ന് വൈദ്യുതി ജല പൊതു അതോറിറ്റി അറിയിച്ചു.’റെഡ് ടൈഡ്’ എന്നാണ് ഈ പ്രതിഭാസം അറിയപ്പെടുന്നത്. സൂക്ഷമ ജീവികളുടെ വിഭാഗത്തിൽപ്പെടുന്ന പ്ലവകങ്ങളുടെ എണ്ണം കടൽവെള്ളത്തിൽ അതിവേഗം പെരുകുന്നതാണ് ഈ പ്രതിഭാസത്തിന് കാരണം.ഇതിന്റെ ഭാഗമായി കടൽവെള്ളത്തിൽ ഓക്സിജന്റെ അളവ് കുറയുകയും ചെയ്യും.