കണ്ണൂര്‍: കൊറോണ നിരീക്ഷണത്തില്‍ കഴിയുന്നവരെ പാര്‍പ്പിക്കാനായി ബഹുനില കെട്ടിടം വിട്ടുനല്‍കി കണ്ണൂര്‍ ജീവനം ആശുപത്രി ഉടമ ടി.വി പ്രശാന്ത്. കണ്ണൂര്‍ മണലിലെ ജീവനത്തിന്റെ ആശുപത്രികെട്ടിടമാണ് പൂര്‍ണമായും കൊറോണ നിരീക്ഷണത്തില്‍ കഴിയുന്നവരെ പാര്‍പ്പിക്കാനായി വിട്ടു നല്‍കിയത്. നിരീക്ഷണത്തിൽ കഴിയുന്നവരുടെ സേവനത്തിനായി താനും ഭാര്യ ശ്രീകലയും തയ്യാറാണെന്ന് ടി.വി പ്രശാന്ത് പറഞ്ഞു.12 അപ്പാര്‍ട്ട്മെന്റുകള്‍ ഉളള പാര്‍പ്പിടത്തില്‍ 20 മുറികള്‍ ശീതികരിച്ചവും ഒപ്പം ഭക്ഷണം പാകം ചെയ്ത് കഴിക്കാന്‍ സൗകര്യമുളളവയുമാണ്. 50പേരെ പാര്‍പ്പിക്കാനുളള സൗകര്യം നിലവില്‍ കെട്ടിടത്തിലുണ്ട്. ഹെല്‍ത്ത് ഇന്സ്പെക്ടര് പി.പി കൃഷ്ണന്‍, ജൂനിയര്‍ ഹെല്‍ത്ത് ഇന്സ്പെക്ടര് പ്രമോദ് എന്നിവര്‍ കെട്ടിടം സന്ദര്‍ശിച്ച്‌ സൗകര്യങ്ങള്‍ വിലയിരുത്തി.കൊറോണയെ പിടിച്ചുകെട്ടാന്‍ കേരളം ഒറ്റക്കെട്ടായി ശ്രമം നടത്തുമ്ബോള്‍ തങ്ങളാല്‍ കഴിയുന്നത് ചെയ്യുമെന്ന് പ്രശാന്തും ഭാര്യ ശ്രീകലയും പറയുന്നു.10വര്‍ഷത്തിലേറെയായി ആയൂര്‍വേദ ചികിത്സയിലൂടെ പ്രശസ്ത മായ ജീവനം സാമ്പത്തികമായി പിന്നോക്കം നില്‍ക്കുന്നവര്‍ക്ക് സൗജന്യ നേത്രചികിത്സ ഉള്‍പ്പെടെ നിരവധി ആതുരസേവനങ്ങള്‍ നടത്തി വരുന്നു.