ന്യൂഡല്ഹി: എല്ലാ വാഹനങ്ങളും ഉടമകളുടെ ആധാറുമായി ബന്ധിപ്പിക്കാന് കേന്ദ്ര ആഭ്യന്തര മന്ത്രാലയത്തിന്റെ നീക്കം. ഇതേക്കുറിച്ച് പഠിച്ച സമിതിയുടെ ശുപാര്ശയെ തുടര്ന്നാണ് ഇത്തരമൊരു നീക്കത്തിന് കേന്ദ്രം തയാറാകുന്നത്.രാജ്യത്തെ മുഴുവന് വാഹനങ്ങളുടെയും വിവരങ്ങള് ശേഖരിക്കാന് കേന്ദ്രീകൃത സംവിധാനം വേണമെന്നാണ് ശുപാര്ശ.നിലവിൽ വാഹന വിവരങ്ങൾ അതാത് സംസ്ഥാനങ്ങളിലാണ് ഉള്ളത്.വാഹങ്ങൾ ആധാറുമായി ബന്ധിപ്പിക്കുക വഴി വാഹനങ്ങൾ എളുപ്പത്തിൽ കണ്ടെത്താനാകുമെന്നും സമിതി പറയുന്നു.നിലവില് വാഹനങ്ങള് രജിസ്റ്റര് ചെയ്യുമ്പോൾ ആധാര് നമ്പർ ആവശ്യപ്പെടുന്നുണ്ടെങ്കിലും നിര്ബന്ധമില്ല. ഡ്രൈവിങ് ലൈസന്സുകള് ആധാറുമായി ബന്ധിപ്പിക്കണമെന്ന് കേന്ദ്രം കഴിഞ്ഞ ഫെബ്രുവരിയില് ഉത്തരവിറക്കിയിരുന്നു. ഇക്കാര്യം കോടതിയുടെ പരിഗണനയിലാണ് ഉള്ളത്. ഇന്ത്യയിൽ നടക്കുന്ന 64 ശതമാനം റോഡപകടങ്ങളും ദേശീയപാതയിലാണ് നടക്കുന്നത്. ഇത് നിയന്ത്രിക്കാൻ ശക്തമായ നടപടി ഇല്ലാത്തതാണ് പ്രശ്നമെന്നും സമിതിയുടെ റിപ്പോർട്ടിലുണ്ട്.