കണ്ണൂർ:മട്ടന്നൂരിൽ യൂത്ത് കോൺഗ്രസ് നേതാവ് ശുഹൈബിന്റെ വധവുമായി ബന്ധപ്പെട്ട് അറസ്റ്റിലായവർ ഡമ്മി പ്രതികളാണ് കൊലപാതകം നടത്തിയവർ ആണെന്ന് പോലീസ്.കേസിൽ ഗൂഢാലോചന നടത്തിയവരെ പിടികൂടാനുണ്ടെന്നും ഉത്തരമേഖലാ ഡിജിപി രാജേഷ് ദിവാൻ അറിയിച്ചു.പ്രതികൾ കീഴടങ്ങിയതല്ല അറസ്റ്റ് ചെയ്തതാണെന്നും അദ്ദേഹം പറഞ്ഞു.തെരച്ചിലിനിടെ ഓടിരക്ഷപ്പെടാൻ ശ്രമിക്കുമ്പോഴാണു പ്രതികളെ പിടികൂടിയത്.സംസ്ഥാന പോലീസിന്റെ അന്വേഷണത്തിൽ വിശ്വാസമില്ലെങ്കിൽ മറ്റു സ്ഥലങ്ങളിലെ പോലീസിനെ കേസ് ഏൽപ്പിക്കാം. സിബിഐ അന്വഷണത്തിനും പോലീസ് എതിരല്ല. സിബിഐ അന്വേഷണം വേണ്ടവർക്കു കോടതിയെ സമീപിക്കാമെന്നും അദ്ദേഹം പറഞ്ഞു.അന്വേഷണം ശരിയായ ദിശയിലാണ് പുരോഗമിക്കുന്നതെന്നും അന്വേഷണത്തിൽ രാഷ്ട്രീയ സമ്മർദമില്ലെന്നും അദ്ദേഹം പറഞ്ഞു.പ്രതികളെ സഹായിക്കുന്നവർ പോലീസിലുണ്ടെങ്കിൽ നടപടിയെടുക്കുമെന്നും ഡിജിപി വ്യക്തമാക്കി.