കണ്ണൂർ:മോട്ടോർ വാഹനവകുപ്പ് ഉദ്യോഗസ്ഥരുടെ വാഹന പരിശോധനയ്ക്കിടെ നിർത്താതെ പോയ വാഹന ഉടമകൾക്കും ഡ്രൈവർമാർക്കും എതിരെ നടപടി.വാഹനം നിർത്താതെ അപകടകരമാം വിധം വേഗത്തിൽ ഓടിച്ച 15 വാഹന ഉടമകളുടെയും ഡ്രൈവർമാരുടെയും ലൈസൻസ് സസ്‌പെൻഡ് ചെയ്യാൻ കണ്ണൂർ ആർടിഒ ഉമ്മർ നിർദേശിച്ചു.മോട്ടോർ വാഹന വകുപ്പിന്റെ സ്മാർട്ട് ട്രെയ്‌സ് എന്ന ആപ്പിന്റെ സഹായത്തോടെയാണ് ഉദ്യോഗസ്ഥർ നിർത്താതെ പോയ വാഹനങ്ങളെ കണ്ടെത്തി പിടികൂടിയത്.കൂടാതെ അമിതഭാരം കയറ്റിയ 10 ചരക്ക് വാഹനങ്ങളിൽ നിന്നും 1,50,000 രൂപ പിഴയീടാക്കുകയും ഡ്രൈവർമാരുടെ ലൈസൻസ് സസ്‌പെൻഡ് ചെയ്യാൻ ശുപാർശ ചെയ്യുകയും ചെയ്തു.