ന്യൂഡൽഹി:ആധാർ-പാൻ കാർഡുകൾ ബന്ധിപ്പിക്കാൻ അവസാന തീയതി നിശ്ചയിച്ചിട്ടില്ലെന്ന് അരുൺജെയ്റ്റിലി.ലോക്സഭയിൽ ഇത് സംബന്ധിച്ച ചോദ്യത്തിന് മറുപടി പറയവെയാണ് അരുൺ ജെയ്റ്റിലി ഇക്കാര്യം വ്യക്തമാക്കിയത്.ജൂലൈ ഒന്ന് മുതൽ പാൻ കാർഡ് കൈവശമുള്ളവർ ആധാർനമ്പറുമായി ബന്ധിപ്പിക്കേണ്ടത് സർക്കാർ നിർബന്ധമാക്കിയിരുന്നു.അല്ലെങ്കിൽ നികുതി അനുബന്ധ ഇടപാടുകൾ തടസപ്പെടുമെന്നും ജൂലൈ ഒന്നിന് ശേഷം ആധാർ നമ്പറില്ലാതെ പാൻകാർഡിനു അപേക്ഷിക്കാൻ കഴിയില്ലെന്നും കേന്ദ്രം അറിയിച്ചിരുന്നു.എന്നിരുന്നാലും ആധാർ-പാൻ ബന്ധിപ്പിക്കലുമായി ബന്ധപ്പെട്ട് ജനങ്ങൾക്കിടയിൽ ആശങ്ക നിലനിൽക്കുന്നുണ്ട്.