തിരുവനന്തപുരം:തിരുവനന്തപുരം മേയർ വി.കെ പ്രശാന്ത് ആക്രമിക്കപ്പെട്ട സംഭവത്തിൽ ആർഎസ്എസ് പ്രവർത്തകനായ ആനന്ദ് അറസ്റ്റിൽ.പോലീസ് സ്റ്റേഷനിലെത്തി ഇയാൾ സ്വമേധയാ കീഴടങ്ങുകയായിരുന്നുവെന്നാണ് റിപ്പോർട്ട്.കഴിഞ്ഞ ആഴ്ചയാണ് പ്രത്യേക നഗരസഭാ കൗൺസിൽ യോഗത്തിനിടെ മേയർ വി.കെ പ്രശാന്ത് ആക്രമിക്കപ്പെട്ടത്.ആനന്ദ് ഉൾപ്പെടെയുള്ളവർ തന്നെ അക്രമിച്ചുവെന്നാണ് മേയറുടെ പരാതി.പുറത്തുനിന്നെത്തിയ സംഘമാണ് ആക്രമണത്തിന് പിന്നിലെന്നും ഇതിൽ ഗൂഢാലോചയുണ്ടെന്നും മേയർ ആരോപിച്ചിരുന്നു.പുറത്തുനിന്നെത്തിയ പ്രധാന പ്രതിയാണ് ആനന്ദ് എന്ന് പറഞ്ഞ് സിപിഐഎമും രംഗത്തെത്തിയിരുന്നു.സംഭവത്തിൽ ബിജെപി കൗൺസിലർമാർ ഉൾപ്പെടെ കണ്ടാലറിയാവുന്ന 25 പേർക്കെതിരെ വധശ്രമത്തിന് പോലീസ് കേസെടുത്തിട്ടുണ്ട്.