പുത്തൂർ:കാരിക്കലിൽ കുറ്റിക്കാട്ടിൽ നവജാത ശിശുവിന്റെ മൃതദേഹം കണ്ടെത്തിയ സംഭവത്തിൽ കുഞ്ഞിന്റെ അച്ഛനും അമ്മയും അറസ്റ്റിൽ.കാരിക്കൽ കൊല്ലാറഴിക്കകത്ത് വീട്ടിൽ അമ്പിളി(24),ഭർത്താവ് മഹേഷ്(26) എന്നിവരാണ് അറസ്റ്റിലായത്.ഗർഭിണിയാണെന്ന വിവരം എല്ലാവരിൽ നിന്നും മറച്ചുവെച്ച അമ്പിളി കഴിഞ്ഞ പതിനേഴാം തീയതി വീട്ടിൽ ആരുമില്ലാതിരുന്ന സമയം പ്രസവിക്കുകയും തുടർന്ന് കുഞ്ഞിനെ ശ്വാസംമുട്ടിച്ച് കൊല്ലുകയുമായിരുന്നു.ശേഷം ഇവർ കുഞ്ഞിന്റെ മൃതദേഹം തൊട്ടടുത്ത ആൾപ്പാർപ്പില്ലാത്ത പുരയിടത്തിൽ കുഴിച്ചു മൂടുകയുമായിരുന്നു.പിന്നീട് തെരുവുനായ്ക്കൾ മൃതദേഹം മാന്തി പുറത്തെടുക്കുകയായിരുന്നു.നാലുമാസം ഗർഭിണിയായിരുന്നപ്പോൾ ഇവർ പലതവണ ഗർഭഛിദ്രത്തിന് ശ്രമിച്ചിരുന്നെങ്കിലും ഡോക്റ്റർമാർ സമ്മതിച്ചിരുന്നില്ല. ഭാര്യയ്‌ക്കൊപ്പം പലതവണ ഗർഭഛിദ്രത്തിന് ശ്രമിച്ചു എന്നുള്ളതാണ് മഹേഷിനെതിരെ ചുമത്തിയിരിക്കുന്ന കുറ്റം.പ്രണയ വിവാഹം കഴിച്ച ഇവർക്ക് രണ്ടര വയസ്സുള്ള ഒരു ആൺകുട്ടിയുണ്ട്.