മുംബൈ:മുംബൈയിലെ സർക്കാർ ആശുപത്രിയായ ബി വൈ എൽ നായർ ഹോസ്പ്പിറ്റലിൽ റസിഡന്റ് ഡോക്ട്ടരും ഗൈനക്കോളജി വിദ്യാർത്ഥിനിയുമായ പായൽ ആശുപത്രിയിലെ സ്വന്തം മുറിയിൽ മരിച്ച നിലയിൽ കണ്ടെത്തിയ സംഭവത്തിൽ അതെ ആശുപത്രിയിലെ തന്നെ മൂന്ന് സീനിയർ ഡോക്റ്റർമാർ അറസ്റ്റിൽ.പായലിന്റെ റൂം മേറ്റ് ഡോ.ഭക്തി മോഹാര,ഡോ.ഹേമ അഹൂജ,ഡോ.അങ്കിത ഖണ്ഡൽവാർ എന്നിവരാണ് അറസ്റ്റിലായത്.പായലിന്റെ ആത്മഹത്യയ്ക്ക് പിന്നാലെ മൂവരും ഒളിവിൽ പോയിരുന്നു. സവർണ്ണരായ സീനിയർ വിദ്യാർത്ഥിനികൾ സംവരണ സീറ്റിൽ അഡ്മിഷൻ നേടിയ പായലിനെ ജാതീയമായി നിരന്തരം അധിക്ഷേപിച്ചിരുന്നതായി സഹപ്രവർത്തകർ മൊഴിനല്കിയിരുന്നു.ജാതി പീഡനം മൂലമാണ് പായൽ ആത്മഹത്യാ ചെയ്തതെന്ന് മഹാരാഷ്ട്ര മെഡിക്കൽ വിദ്യാഭ്യാസ മന്ത്രി ഗിരീഷ് മഹാജനും സ്ഥിതീകരിച്ചു. മൂന്നുപേരും മുംബൈ സെഷൻസ് കോടതിയിൽ മുൻ‌കൂർ ജാമ്യാപേക്ഷ നൽകിയിട്ടുണ്ട്.മകളുടെ ആത്മഹത്യയ്ക്ക് കാരണക്കാരായവരെ കണ്ടെത്തണമെന്ന് ആവശ്യപ്പെട്ട് പായലിന്റെ കുടുംബം ആശുപത്രിക്ക് മുൻപിൽ പ്രതിഷേധ സമരം സംഘടിപ്പിച്ചിരുന്നു.