ഇരിട്ടി:ഇരിട്ടിയിൽ ഹർത്താലനുകൂലികൾ താലൂക്ക് ഓഫീസ് ആക്രമിച്ചു.അക്രമത്തിൽ രണ്ടുപേർക്ക് പരിക്കേറ്റു.പരിക്കേറ്റ സീനിയർ ക്ലാർക്ക് പ്രസാദ്,ഓഫീസിൽ അസിസ്റ്റന്റ് ജയേഷ് എന്നിവരെ ഇരിട്ടി താലൂക്ക് ആശുപത്രിയിൽ പ്രവേശിപ്പിച്ചു.ഹർത്താൽ ദിനത്തിൽ താലൂക്ക് ഓഫീസിൽ സാധാരണപോലെ പ്രവർത്തിച്ചിരുന്നു.ഇതിനിടയിലാണ് കോൺഗ്രസ് ജില്ലാ പഞ്ചായത്ത് അംഗവും ബ്ലോക്ക് പ്രെസിഡന്റുമായ തോമസ് വർഗീസിന്റെ നേതൃത്വത്തിൽ സുമേഷ്,ഷമീൽ മാത്രക്കൽ,ജോസ് ജേക്കബ്,കെ.വി അഖിൽ,നിധിൻ,അജേഷ് എന്നിവരുൾപ്പെട്ട സംഘം താലൂക്കാഫീസിൽ ഇരച്ചുകയറി അക്രമം നടത്തിയത്. ഓഫീസിലെ ഫയലുകളും ഫർണിച്ചറുകളും നശിപ്പിക്കാൻ ശ്രമിച്ചതോടെ ജീവനക്കാർ തടയാൻ ശ്രമിച്ചു.ഇതോടെയാണ് സുമേഷ്,ജോസ് ജേക്കബ്,ഷമീൽ എന്നിവർ ചേർന്ന് ജീവനക്കാരെ മർദിച്ചത്.