കോഴിക്കോട്:മുത്തലാഖ് നിരോധന നിയമപ്രകാരമുള്ള കേരളത്തിലെ ആദ്യത്തെ അറസ്റ്റ് കോഴിക്കോട് രേഖപ്പെടുത്തി.ചെറുവാടി ചുള്ളിക്കാംപറമ്പ് സ്വദേശി ഇ.കെ ഉസാമിനെയാണ് പൊലീസ് അറസ്റ്റ് ചെയ്തത്. ഇയാളെ താമരശ്ശേരി കോടതിയില്‍ ഹാജരാക്കി. ഇയാള്‍ക്ക് പിന്നീട് ജാമ്യം അനുവദിച്ചു. മുത്തലാഖ് നിയമപ്രകാരം കേരളത്തിലെ ആദ്യ അറസ്റ്റാണിത്.മുക്കം കുമാരനെല്ലൂര്‍ സ്വദേശിനിയാണ് പരാതി നല്‍കിയത്. തന്നെ ഈ മാസം ഒന്നാം തീയതി മുത്തലാഖിലൂടെ മൊഴി ചൊല്ലിയെന്ന് പരാതിയില്‍ പറയുന്നു. താനറിയാതെ മറ്റൊരു വിവാഹം കഴിച്ചെന്നും പരാതിയിലുണ്ട്. തുടര്‍ന്ന് മുസ്ലിം വനിതാ സംരക്ഷണ നിയമം സെക്ഷന്‍ 3, 4 ആക്‌ട് പ്രകാരം കോടതി നേരിട്ട് കേസെടുക്കുകയായിരുന്നു.തുടര്‍ന്ന് ഉസാമിനെ അറസ്റ്റ് ചെയ്ത് ഹാജരാക്കാന്‍ മുക്കം പൊലീസിനോട് കോടതി ആവശ്യപ്പെട്ടു. ശിക്ഷിക്കപ്പെട്ടാല്‍ മൂന്ന് വര്‍ഷം വരെ തടവ് ലഭിച്ചേക്കാം.