അഹമ്മദാബാദ്:ഗുജറാത്ത് നിയമസഭാ തിരഞ്ഞെടുപ്പിന്റെ അവസാനഘട്ട വോട്ടെടുപ്പ് ആരംഭിച്ചു.93 മണ്ഡലങ്ങളിലാണ് രണ്ടാംഘട്ട വോട്ടെടുപ്പ് നടക്കുന്നത്.ഇതോടെ ഗുജറാത്തിലെ 182 അംഗ സഭയിലേക്കുള്ള വോട്ടെടുപ്പ് പൂർത്തിയാകും.ഈ മാസം പതിനെട്ടിനാണ് വോട്ടെണ്ണൽ നടക്കുക.851 സ്ഥാനാർത്ഥികളാണ് രണ്ടാം ഘട്ടത്തിൽ ജനവിധി തേടുന്നത്.പ്രധാനമന്ത്രി നരേന്ദ്ര മോഡി,അമിത് ഷാ,അരുൺ ജെയ്റ്റ്‌ലി,എൽ.കെ അദ്വാനി തുടങ്ങിയ പ്രമുഖ നേതാക്കൾ ഇന്ന് വിവിധ മണ്ഡലങ്ങളിൽ വോട്ട് രേഖപ്പെടുത്തും.ഈ മാസം ഒന്പതാം തീയതിയാണ് ഗുജറാത്തിൽ ആദ്യഘട്ട വോട്ടെടുപ്പ് നടന്നത്.