കണ്ണൂർ:കാക്കയങ്ങാട് എബിവിപി പ്രവർത്തകൻ ശ്യാമപ്രസാദ് കൊല്ലപ്പെട്ട കേസിൽ അഞ്ചാം പ്രതി പിടിയിൽ.കൂത്തുപറമ്പ് സ്വദേശി മംഗലാട്ട് നെല്ലിക്കണ്ടി ഫൈസൽ ആണ് പിടിയിലായത്. പേരാവൂർ സിഐ എം.കുട്ടിക്കൃഷ്ണന്റെ നേതൃത്വത്തിലുള്ള പോലീസ് സംഘം വീരാജ്പേട്ടയിൽ നിന്നുമാണ് ഇയാളെ പിടികൂടിയത്.ജനുവരി 19 നാണ് പേരാവൂർ ഗവ.ഐടിഐ വിദ്യാർത്ഥിയായിരുന്ന ശ്യാമപ്രസാദിനെ കാറിൽ പിന്തുടർന്ന സംഘം വെട്ടിക്കൊലപ്പെടുത്തിയത്. കേസിലെ നാലുപ്രതികളെ സംഭവം നടന്ന് മണിക്കൂറുകൾക്കകം പോലീസ് പിടികൂടിയിരുന്നു.കൊലപാതകം ആസൂത്രം ചെയ്തത് മുതൽ സംഭവ ദിവസം കാക്കയങ്ങാട് ഐടിഐയിൽ നിന്നും ശ്യാമപ്രസാദ് വീട്ടിലേക്ക് പുറപ്പെട്ട വിവരം മറ്റു പ്രതികൾക്ക് നൽകിയത് ഫൈസലാണെന്ന് പോലീസ് പറഞ്ഞു.