മുള്ളേരിയ:വീട്ടിൽ നിന്നും കാണാതായ ഇലക്ട്രീഷ്യന്റെ മൃതദേഹം കുളത്തിൽ കണ്ടെത്തി. മൂളിയാറിലെ സാവിത്രിയുടെ മകൻ പ്രശാന്തിനെയാണ്(23) പാത്തനടുക്കം കുളത്തിൽ മരിച്ച നിലയിൽ കണ്ടെത്തിയത്.വെള്ളിയാഴ്ച ഉച്ചയ്ക്ക് വീട്ടിലെത്തിയ പ്രവീൺ മാതാവിനോട് പിണങ്ങി കാറുമെടുത്തു പോയതായിരുന്നു.തുടർന്ന് വിവരമൊന്നും ലഭിക്കാത്തതിനെ തുടർന്ന് നടത്തിയ തിരച്ചിലിലാണ് പാത്തനടുക്കം കുളത്തിനു സമീപം കാറും ചെരിപ്പും കണ്ടെത്തിയത്. നാട്ടുകാർ വിവരമറിയിച്ചതിനെ തുടർന്ന് പോലീസും ഫയർഫോഴ്സും നടത്തിയ തിരച്ചിലിലാണ് മൃതദേഹം കുളത്തിൽ നിന്നും കണ്ടെത്തിയത്.സ്കൂബ ഉപയോഗിച്ച് നടത്തിയ തിരച്ചിലിലാണ് മൃതദേഹം കണ്ടെത്താൻ കഴിഞ്ഞത്.