തിരുവനന്തപുരം:നിപരോഗികളെ ശുശ്രൂഷിക്കുന്നതിനിടെ മരണമടഞ്ഞ ലിനിക്ക് സര്‍ക്കാരിന്റെ ആദരം. സംസ്ഥാനത്തെ മികച്ച നഴ്സിനുള്ള പുരസ്‌ക്കാരം ഇനി സിസ്റ്റർ ലിനിയുടെ പേരില്‍ നൽകപ്പെടും.സര്‍ക്കാരിന്റെ മികച്ച നഴ്സിനുള്ള അവാര്‍ഡ് ഇനി മുതല്‍ ‘സിസ്റ്റര്‍ ലിനി പുതുശേരി അവാര്‍ഡ്’ എന്ന് അറിയപ്പെടും. പേരാമ്ബ്ര സര്‍ക്കാര്‍ ആശുപത്രിയിലെ നഴ്സായിരുന്ന ലിനി നിപ്പാ വൈറസ് ബാധിതരെ ശുശ്രൂഷിക്കുന്നതിനിടെയാണ് മരിച്ചത്. വൈറസ് പടരാനുള്ള സാധ്യത കണക്കിലെടുത്ത് ലിനിയുടെ മൃതദേഹം ബന്ധുക്കള്‍ക്കു പോലും വിട്ടുകൊടുക്കാതെ സംസ്‌കരിക്കുകയായിരുന്നു.