കണ്ണൂർ:വർഷങ്ങൾ നീണ്ട കാത്തിരിപ്പിനൊടുവിൽ താവം മേൽപ്പാലം ഇന്ന് ഗതാഗതത്തിനായി തുറന്നു കൊടുക്കും.എന്നാൽ ഔദ്യോദീഗമായ ഉദ്ഘാടനം ഒക്ടോബറിൽ പൊതുമരാമത്ത് മന്ത്രി ജി.സുധാകരന്റെ അദ്ധ്യക്ഷതയിൽ മുഖ്യമന്ത്രി പിണറായി വിജയൻ നിർവ്വഹിക്കും.പിലാത്തറ പാപ്പിനിശ്ശേരി കെ എസ്.ടി.പി അന്താരാഷ്ട്ര റോഡ് നിർമ്മാണത്തിന്റെ ഭാഗമായാണ് പഴയങ്ങാടി താവത്ത് റെയിൽവെ മേൽപ്പാലം നിർമ്മിച്ചത്.പാലത്തിന്റെ ടാറിംംഗ് ഉൾപ്പെടെയുള്ള പ്രവൃത്തികൾ പൂർത്തിയാക്കി. പാലത്തിന് മുകളിൽ മുപ്പതോളംസോളാർ ലൈറ്റുകളും സ്ഥാപിക്കും. കൈവരികളുടെ പെയിന്റിംഗും സിഗ്‌നൽ സംവിധാനങ്ങൾ ഘടിപ്പിക്കുന്ന പ്രവൃത്തിയും ഉടൻ പൂർത്തിയാക്കും.പാലം തുറക്കുന്നതോടെ പയ്യന്നൂർ -കണ്ണൂർ ദേശീയപാതയിലൂടെ കടന്നു പോകുന്ന വാഹനങ്ങൾക്ക് ഏഴു കിലോമീറ്റർ ദൂരക്കുറവിൽ ഇതു വഴി സഞ്ചരിക്കാം .