തിരുവനന്തപുരം:സംസ്ഥാനത്തെ കോവിഡ് വാക്‌സിന്‍ ക്ഷാമത്തിന് താത്കാലിക പരിഹാരം. രണ്ട് ലക്ഷം ഡോസ് കോവാക്‌സിന്‍ ഇന്നെത്തും.ഭാരത് ബയോടെകിന്റെ കൊവാക്‌സിൻ ഡോസുകളാണ് എത്തുക. കൊറോണ പ്രതിദിന രോഗികളുടെ എണ്ണം വർദ്ധിക്കുന്ന സാഹചര്യത്തിൽ കൂടുതൽ വാക്‌സിനുകൾ നൽകണമെന്ന് മുഖ്യമന്ത്രി പിണറായി വിജയൻ കേന്ദ്രത്തോട് ആവശ്യപ്പെട്ടിരുന്നു. ഇതേ തുടർന്നാണ് വാക്സിൻ എത്തിക്കുന്നത്. തിരുവനന്തപുരം 68000,എറണാകുളം 78000, കോഴിക്കോട് 54000 ഡോസ് വീതം വാക്സിനാണ് എത്തിക്കുക. 50 ലക്ഷം വാക്സിൻ ഡോസുകളാണ് മുഖ്യമന്ത്രി കേന്ദ്ര ആരോഗ്യമന്ത്രി ഡോ. ഹർഷവർദ്ധനോട് ആവശ്യപ്പെട്ടിരുന്നത്.വാക്സിൻ എത്തുന്നതുമായി ബന്ധപ്പെട്ട് ഭാരത് ബയോടെക്കിൽ നിന്നും സംസ്ഥാനത്തിന് അറിയിപ്പ് ലഭിച്ചിട്ടുണ്ട്.