ചെന്നൈ : തമിഴ്നാട് കൃഷിമന്ത്രി ആര്‍ ദുരൈകണ്ണിനെ കാണാതായി. തമിഴ്നാട് പോലീസ് ഇത് സംബന്ധിച്ച് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. മാഹാലിംഗം എന്നയാളുടെ പരാതിയിലാണ് പോലീസ് കേസെടുത്തിരിക്കുന്നത്. ശശികല മന്ത്രിയെ ഒളിവില്‍ പാര്‍പ്പിച്ചിരിക്കുകയാണെന്നാണ് ആരോപണം. തമിഴ്നാട് മുഖ്യമന്ത്രി കസേരയ്ക്കായി ഒ പനീര്‍ശെല്‍ വവുമായുള്ള പോരാട്ടത്തിലാണ് ശശികല. ശനിയാഴ്ച ഗവര്‍ണര്‍ വിദ്യാസാഗര്‍ റാവുവിനെതിരെ ശശികല ഗുരുതര ആരോപണങ്ങള്‍ ഉയര്‍ത്തിയിരുന്നു.
അതേസമയം പനീര്‍ ശെല്‍ വത്തിനുള്ള പിന്തുണ ദിനം പ്രതി ഏറി വരികയാണ്. 118 എം.എല്‍.എമാരുടെ പിന്തുണയുള്ളവര്‍ക്ക് ഭരിക്കാനാകും. നിലവില്‍ 130 എം.എല്‍.എമാരുടെ പിന്തുണ ശശികലയ്ക്കുണ്ടെന്നാണ് വാദം. ഇവരെ വിവിധ റിസോര്‍ട്ടുകളിലായി താമസിപ്പിച്ചിരിക്കുകയാണ് ശശികല.