കണ്ണൂർ:നഗരത്തിൽ തെരുവോരങ്ങളിൽ അന്തിയുറങ്ങുന്നവരുടെ കണക്കെടുക്കാൻ സർവേ ആരംഭിച്ചു. കോർപറേഷനും കുടുംബശ്രീയും ചേർന്നാണു രാത്രിസർവേ നടത്തുന്നത്. ഇന്നലെ പഴയ ബസ് സ്റ്റാൻഡിൽ നിന്നുള്ളവരുടെ വിവരങ്ങൾ ശേഖരിച്ചു മേയർ ഇ.പി.ലത ഉദ്ഘാടനം നിർവഹിച്ചു.പതിവായി തെരുവോരങ്ങളിൽ താമസിക്കുന്നവരുടെ വിവരങ്ങൾ ശേഖരിച്ചു സംസ്ഥാന സർക്കാരിനു കൈമാറും. കൗൺസിലർമാരായ ഇ.ബീന, ലിഷ ദീപക്, കുടുംബശ്രീ മെംബർ സെക്രട്ടറി പി.ആർ.സ്മിത, ആരോഗ്യ വകുപ്പ് ജീവനക്കാരായ ഷൈൻ പി.ജോസ്, പി.അരുൾ, പി.പി.കൃഷ്ണൻ, അബ്ദുറഹ്മാൻ, പ്രമോദ്, കമ്യൂണിറ്റി ഓർഗനൈസർ കെ.ജാസ്മിൻ എന്നിവർ നേതൃത്വം നൽകി.