ന്യൂഡൽഹി: ഹൃദയ സ്തംഭനത്തെ തുടർന്ന് ചൊവ്വാഴ്ച ഉച്ചയ്ക്ക് പാർലമെന്റിൽ കുഴഞ്ഞു വീണ മുസ്ലിം ലീഗ് ദേശീയ അധ്യക്ഷനും മുൻ കേന്ദ്ര മന്ത്രിയുമായ ഇ അഹമ്മദ് എം പി(78) അന്തരിച്ചു. ഡൽഹിയിലെ റാം മനോഹർ ആശുപത്രിയിൽ ചികിത്സയിലായിരുന്നു. പുലർച്ചെ രണ്ടേകാലോടെ ആണ് മരണം സംഭവിച്ചത്. അദ്ദേഹത്തിന്റെ മക്കളാണ് മരണ വാർത്ത മാധ്യമങ്ങളെ അറിയിച്ചത്.
ആശുപത്രിയിൽ പ്രവേശിപ്പിച്ചിരുന്ന എം പിയെ കാണാനെത്തിയ മക്കളെയും കോൺഗ്രസ്സ് അധ്യക്ഷ സോണിയാഗാന്ധിയെയും ആശുപത്രിഅധികൃതർ തടഞ്ഞിരുന്നു. ഇതിൽ പ്രതിഷേധിച് കോൺഗ്രസ്സ് പ്രവർത്തകരുടെ പ്രതിഷേധവും നടന്നിരുന്നു. അഹമ്മദിന്റെ മക്കൾ പോലീസിൽ പരാതിപ്പെടുകയും പോലീസ് അധികൃതരുമായി സംസാരിക്കുകയും ചെയ്ത ശേഷമാണ് മരണവിവരം പുറത്തുവരുന്നത്.
മൃതദേഹം രാവിലെ 8 മുതൽ 12 വരെ ഡൽഹിയിലെ വസതിയിൽ പൊതുദര്ശനത്തിന് വെക്കും . തുടർന്ന് കേരളത്തിലേക്ക് എത്തിക്കുകയും കോഴിക്കോട് ഹജ്ജ് ഹൗസിലും ലീഗ് ഹൗസിലും പൊതുദര്ശനത്തിന് വെക്കുകയും ചെയ്യും.ജന്മദേശമായ കണ്ണൂരിലാണ് ഖബറടക്കം.
തിരുവനന്തപുരം: ലോ അക്കാദമി പ്രിൻസിപ്പൽ ലക്ഷ്മി നായരെ 5 വർഷത്തേക്ക് ചുമതലകളിൽ നിന്ന് മാറ്റി നിർത്താമെന്നും ഒരു അധ്യാപികയായി പോലും കോളേജിൽ ഉണ്ടാവില്ലെന്നും മാനേജ്മെന്റ്.
തിരുവനന്തപുരം: വിജിലൻസ് അന്വേഷണം നേരിടുന്ന ആളെ അനർട് ഡയറക്ടർ ആയി നിയമിച്ചുവെന്ന പരാതിയിന്മേൽ തിരുവനന്തപുരം വിജിലൻസ് കോടതി മന്ത്രി കടകംപള്ളി സുരേന്ദ്രനെതിരെ ത്വരിത പരിശോധനയ്ക് ഉത്തരവിട്ടു.
തിരുവനന്തപുരം: ലോ അക്കാഡമി സ്ഥിതിചെയ്യുന്ന സ്ഥലവുമായി ബന്ധപ്പെട്ട അന്വേഷണം വേണമെന്ന V S അച്യുതാനന്ദന്റെ ആവശ്യത്തിന് അനുകൂല നിലപാട് . അക്കാദമി സ്ഥിതിചെയുനത് സർക്കാർ ഭുമിയിലാണെന്നുള്ളതിനു വ്യക്തമായ തെളിവുകൾ.
വാഷിങ്ട്ടണ് : അമേരിക്കയിലെ നിയുക്ത അറ്റോർണി ജനറലിനെ ട്രംപ് പുറത്താക്കി. ട്രംപിന്റെ കുടിയേറ്റ വിരുദ്ധ നിയമത്തെ പിന്തുണയ്ക്കാത്തതിനാണ് നടപടി. ഒബാമ നിയമിച്ച സാലി എട്ടോയെയാണ് ട്രംപ് പുറത്താക്കിയത്.
ന്യൂ ഡൽഹി : ഫെബ്രുവരി ഒന്നുമുതൽ ATM നിയന്ത്രണം പിൻവലിക്കുമെന്ന് RBI. എന്നാൽ ഈ ഇളവ് തത്കാലം Current അക്കൗണ്ടകൾക്കു മാത്രമാണെന്നും RBI അറിയിച്ചു. ഇതോടെ കറന്റ് അക്കൗണ്ട് ഉടമകൾക്ക് ATM യിൽ നിന്ന് പരിധിയില്ലാതെ പണം പിൻവലിക്കാം. Savings അക്കൗണ്ട് കൾക്കുള്ള നിയന്ത്രണം പിൻവലിക്കൽ .സമീപ ഭാവിയിൽ തന്നെ ഉണ്ടാവും .
