കൊച്ചി : നടിയെ തട്ടികൊണ്ട് പോയ കേസിലെ മുഖ്യ പ്രതി സുനിയെയും വിജീഷിനെയും ചോദ്യം ചെയ്യാൻ ഇതുവരെ പോലീസിന് കഴിഞ്ഞിട്ടില്ല. ഇരുവരെയും ശാസ്ത്രീയമായി ചോദ്യം ചെയ്യാൻ അനുമതി ലഭിച്ചിട്ടില്ല. ഇതിനു കാരണം വ്യക്തമല്ല. ഏതായാലും പ്രതികളെ ചോദ്യം ചെയ്യാനാവാത്ത അവസ്ഥയിലാണ് പോലീസുകാർ. ഈ അവസരം പ്രതികൾ നന്നായി മുതലെടുക്കുകയാണ്. പ്രതികളെ പിടികൂടുന്നതിന് മുൻപ് ഉന്നത ഉദ്യോഗസ്ഥർ നൽകിയിരുന്ന പിന്തുണ ഇപ്പോൾ ഇല്ലെന്നും സൂചനയുണ്ട്.
ന്യൂഡൽഹി: സബ്സിടിയോടു കൂടിയ ഗാർഹിക ഗ്യാസ് സിലിണ്ടറിന് 85 .50 രൂപ വർധിപ്പിച്ചു. സബ്‌സിഡി ഇല്ലാത്തതിന് 90 രൂപയും വാണിജ്യ സിലിണ്ടറിന് 148 .50 രൂപയും വർധിപ്പിച്ചു. കേന്ദ്ര സർക്കാരിന്റെ 2017 -18 ലേക്കുള്ള പൊതുബജറ്റ് പ്രഖ്യാപനത്തിനു തൊട്ടുമുമ്പും വില കൂട്ടിയിരുന്നു. അന്ന് സബ്‌സിഡിയില്ലാത്ത സിലിണ്ടറിന് 69 .50 രൂപയും സബ്സിടിയുള്ള സിലിണ്ടറിന് 65 .91 രൂപയും ആയിരുന്നു വർധിപ്പിച്ചത്.
ചെന്നൈ : ഇന്ന് മുതൽ തമിഴ്നാട്ടിൽ കടകളിൽ പെപ്സി, കൊക്കക്കോള ഉത്പന്നങ്ങൾ വിൽക്കില്ല. തമിഴ്നാട് വനികർ കോട്ടമൈപ്പ്‌ പേരവൈ, തമിഴ്നാട് ട്രേഡേഴ്സ് ഫെഡറേഷൻ എന്നീ സംഘടനകളാണ് കൊക്കക്കോള, പെപ്സി ഉത്പന്നങ്ങൾക്കെതിരെ ശക്തമായി രംഗത്തെത്തിയത്. സംഘടനയിൽ അംഗങ്ങളായ വ്യാപാരികളോട് പെപ്സി, കൊക്കക്കോള ഉത്പന്നങ്ങൾ മാർച്ച് ഒന്നുമുതൽ കടകളിൽ വില്പന നടത്തരുതെന്ന് നേരത്തെ ഇവർ നിർദേശം നൽകിയിരുന്നു. ഈ സംഘടനയിൽ പതിനഞ്ചു ലക്ഷം വ്യാപാരികൾ അംഗങ്ങളാണ്.
കടുത്ത വരൾച്ച മൂലം കർഷകർ ദുരിതത്തിൽ കഴിയുമ്പോൾ ജലം ഊറ്റിയെടുത്ത് ശീതളപാനീയങ്ങൾ ഉല്പാദിപ്പിക്കുന്നത് തടയുക എന്ന ലക്‌ഷ്യം കുടി ഇതിനു പിന്നിൽ ഉണ്ട്. മലയാളികളുടെ നേതൃത്വത്തിലുള്ള ചെന്നൈ ചായക്കട ഉടമസ്ഥ സംഘവും ഈ തീരുമാനത്തിന് പൂർണ പിന്തുണ നൽകിയിട്ടുണ്ട്.
വാഷിങ്ടണ്‍: വൈറ്റ്ഹൗസിലെ രഹസ്യങ്ങള്‍ ചോര്‍ത്തുന്നതിന് പിന്നില്‍ ഒബാമയാണെന്ന വിവാദ ആരോപണവുമായി ഡൊണാൾഡ് ട്രംപ്. തനിക്കെതിരായി അമേരിക്കയില്‍ ഉയര്‍ന്നു വരുന്ന പ്രതിഷേധങ്ങള്‍ക്ക് പിന്നില്‍ ഒബാമയുടെ ആളുകളാണെന്നും ട്രംപ് ആരോപിച്ചു. മെക്‌സിക്കോ,ഓസ്‌ട്രേലിയ തുടങ്ങിയ പ്രമുഖ രാഷ്ട്ര തലവന്‍മാരുമായുള്ള തന്റെ ഫോണ്‍ സംഭാഷണങ്ങളടക്കം മാധ്യമങ്ങള്‍ക്ക് ചോര്‍ത്തി നല്‍കിയെന്നും ട്രംപ് പറഞ്ഞു .
കൊച്ചി : നടിയെ ആക്രമിച്ച കേസിൽ സുനിയുടെ അമ്പലപ്പുഴയിലുള്ള സുഹൃത്തിന്റെ വീട്ടിൽ നിന്നും സിം കാർഡും മെമ്മറി കാർഡും കണ്ടെടുത്തു. സുഹൃത്ത് മനുവിന്റെ വീട്ടിൽ നിന്നാണ് ഇവ കണ്ടെടുത്തത്. സുനിയുടെ ഫാമിലി ഫ്രണ്ട് ആണ് മനു എന്നും അയാളുടെ വീട്ടിലെത്തി പണം ആവശ്യപ്പെട്ടു എന്നും സുനി മൊഴി നൽകിയതിന്റെ അടിസ്ഥാനത്തിലാണ് ഇവിടെ എത്തിച്ചു തെളിവെടുപ്പ് നടത്തുന്നത്.
അതേസമയം താൻ ദൃശ്യങ്ങൾ പകർത്തിയ മൊബൈൽ ഫോൺ ഗോശ്രീ പാലത്തിനു താഴെയുള്ള കായലിൽ വലിച്ചെറിഞ്ഞു എന്ന് സുനി നൽകിയ മൊഴിയുടെ അടിസ്ഥാനത്തിൽ നാവികസേനാ മുങ്ങൽ വിദഗ്ധരെ എത്തിച്ച് പരിശോധന നടത്തുകയാണ്.
കൊച്ചി : നടിയെ ആക്രമിച്ച ദൃശ്യങ്ങൾ പകർത്തി എന്ന് പറയപ്പെടുന്ന മൊബൈൽ ഫോൺ കണ്ടെത്താൻ തിരച്ചിൽ ആരംഭിച്ചു. നാവികസേനയിലെ മുങ്ങൽ വിദഗ്ധരെ എത്തിച്ചാണ് തെളിവെടുപ്പ് നടത്തുന്നത്. കായലിൽ ആഴവും ഒഴുകും ഉള്ള സ്ഥലത്താണ് പരിശോധന. സംഭവം നടന്ന രാത്രി ഫോൺ നശിപ്പിക്കുന്നതിനായി ഗോശ്രീ പാലത്തിനു മുകളിൽ നിന്ന് ഫോൺ താഴേക്ക് എറിഞ്ഞു എന്നാണ് സുനി പോലീസിന് നൽകിയ മൊഴി.
സ്ഥലം കാട്ടികൊടുക്കുന്നതിനായി പൾസർ സുനിയെയും ബിജീഷിനെയും പാലത്തിലെത്തിച്ചിരുന്നു. പ്രതി ഒളിവിൽ പോയ സമയത് താമസിച്ച ആലുവ, കുണ്ടന്നൂർ എന്നീ സ്ഥലങ്ങളിലും പോലീസ് പരിശോധന നടത്തുന്നുണ്ട്. ഫോൺ മറ്റാർക്കെങ്കിലും കൈമാറിയോ എന്ന വിവരവും അന്വേഷിക്കുന്നുണ്ട്.
കൊച്ചി: സിനിമ മേഖലയിലെ നിരവധി ഞെട്ടിക്കുന്നവാർത്തകൾ പുറത്തെത്തിച്ച സിനിമ മാധ്യമ പ്രവർത്തകൻ പല്ലിശ്ശേരിയാണ് നടിയെ ആക്രമിച്ചത് പ്രമുഖ നടൻ തന്നെ എന്ന വെളിപ്പെടുത്തലുമായി രംഗത്തു വന്നത്. ഈ ലേഖനത്തിൽ തട്ടിക്കൊണ്ടു പോകലിൽ എന്താണ് സംഭവിച്ചത് എന്ന് വിശദമാക്കുന്നുണ്ട്. സൂപ്പർ താര ബന്ധം അരയ്ക്കിട്ടുറപ്പിക്കുന്ന തരത്തിലാണ് റിപ്പോർട്ടിങ്
ലോസ് ആഞ്ചലസ്‌ : എൺപത്തി ഒൻപതാം ഓസ്കാർ പുരസ്‌കാര പ്രഖ്യാപനം ആരംഭിച്ചു. മികച്ച നടൻ, നടി, ചിത്രം എന്നിവയുൾപ്പെടെ ഇരുപത്തിനാലു വിഭാഗങ്ങളിലായാണ് പുരസ്കാരങ്ങൾ സമ്മാനിക്കുക. പതിനാലു നോമിനേഷനുകളോടെ എത്തിയ ലാ ലാ ലാൻഡ് എന്ന ചിത്രമാണ് ഓസ്‌കാറിന്റെ ശ്രേധാ കേന്ദ്രം. കാലിഫോർണിയയിലെ ലോസ് ആഞ്ജലസിലെ ഡോൾബി തീയേറ്ററിലാണ് ചടങ്ങ് നടക്കുന്നത്. ദേവ് പട്ടേലിന് പുരസ്കാരമില്ല.
പ്രധാന 2017 ഓസ്കാർ പുരസ്കാരങ്ങൾ
മികച്ച സഹനടൻ :മഹർഷലാ അലി(ചിത്രം: മൂൺലൈറ്റ് )
വയോള ഡേവിസ് : മികച്ച സഹ നടി (ചിത്രം: ഫെൻസസ്)
മികച്ച ചമയം: അലെസാന്ദ്രോ ബെർടലാസി , ജോർജിയോ ഗ്രിഗോറിനി, ക്രിസ്റ്റഫർ നെൽസൺ(ചിത്രം: സൂയിസൈഡ് സ്‌ക്വാഡ്)
വസ്ത്രാലങ്കാരം: കൊളീൻ അറ്യുട്(ചിത്രം: ഫന്റാസ്റ്റിക് ബീറ്റ്‌സ് ആൻഡ് വേർഡ് റ്റു ഫൈൻഡ് ദേം)
സൗണ്ട് എഡിറ്റിംഗ് : സിവിയൻ ബെല്ലെമെർ (ചിത്രം: അറൈവൽ )
പ്രൊഡക്ഷൻ ഡിസൈൻ : ഡേവിഡ് വാസ്കോ, സന്ധി റെയ്നോൾഡ്സ് (ചിത്രം: ലാ ലാ ലാൻഡ്)
തിരുവനന്തപുരം : സ്ത്രീകളുടെ സുരക്ഷ ഉറപ്പുവരുത്തുന്നതിൽ സർക്കാർ പരാജയമാണെന്നാരോപിച്ച് നിയമസഭയിൽ പ്രതിപക്ഷ ബഹളം. ചോദ്യോത്തര വേള റദ് ചെയ്യണമെന്നാരോപിച്ഛ് പ്രതിപക്ഷം നടുത്തളത്തിൽ നിന്ന് ബഹളം വെക്കുകയാണ്.
എട്ടു മാസത്തിനിടെ സംസ്ഥാനത്ത പതിനെട്ട് രാഷ്ട്രീയ കൊലപാതകങ്ങൾ നടന്നു. പീഡന കേസുകൾ 1100 , സദാചാര ഗുണ്ടകളുടെ ആക്രമണങ്ങൾ, ഇതൊക്കെ പ്രതിപക്ഷം ഉന്നയിക്കുന്ന ആരോപണങ്ങളാണ്. മാത്രമല്ല സ്ത്രീ സുരക്ഷ ലക്ഷ്യമിട്ടു സർക്കാർ ആവിഷ്കരിച്ച ഓപ്പറേഷൻ കാവലാൾ, പിങ്ക് പോലീസ് പദ്ധതികളൊന്നും ഗുണം ചെയ്തില്ല.
