Hot Topic

തിരുവനന്തപുരം : മുഖ്യമന്തി ഇന്നലെ നടത്തിയ ‘വാടക’ പരാമർശത്തിൽ പ്രതിഷേധിച്ച് പ്ലക്കാർഡുകളും മുദ്രാവാക്യവുമായി പ്രതിപക്ഷം സഭ ബഹിഷ്കരിച്ചു. ഇതോടെ നിയമസഭയിൽ നടത്തിയിരുന്ന ചോദ്യോത്തര വേള ഏതാണ്ട് പതിനഞ്ചു മിനിറ്റോളം തടസ്സപ്പെട്ടു. മുഖ്യ മന്ത്രി നടുത്തളത്തിൽ ഇറങ്ങി ബഹളം വെച്ചു എന്ന പ്രതിപക്ഷ ആരോപണത്തിന് സ്പീക്കർ ചെയറിൽ ഇല്ലാത്തതിനാൽ നടുത്തളത്തിൽ ഇറങ്ങാം എന്നായിരുന്നു മുഖ്യമന്ത്രിയുടെ പ്രതികരണം.

കൊച്ചി; കേരളത്തിൽ വീണ്ടും ചുംബന സമരം.മറൈൻ ഡ്രൈവിലെ ശിവസേനയുടെ ഗുണ്ടായിസത്തെ തുടർന്ന് മറൈൻ ഡ്രൈവിൽ ഇന്ന് വീണ്ടും ചുംബന സമരം. ഒന്നിച്ചിരുന്ന യുവതീ യുവാക്കളെ ഇന്നലെ പോലീസ് ചൂരൽ കൊണ്ട് അടിച്ചതിൽ പ്രതിഷേധിച്ചാണ് ഇന്ന് ചുംബന സമരം. വൈകിട് നാല് മണിക്കാണ് ചുംബന സമരം. ഇതിനു മുൻപും കേരളത്തിൽ ചുംബന സമരം അരങ്ങേറിയിട്ടുണ്ട്. സമരത്തെ പോലീസ് അടിച്ചമർത്തുമോ എന്നാണ് അറിയാനുള്ളത്.

കോഴിക്കോട് : തമിഴ്നാടിനു പിന്നാലെ കേരളത്തിലും പെപ്സി കൊക്കക്കോള നിരോധനം. ശീതളപാനീയ കമ്പനിക്കാർ നടത്തുന്ന ജലചൂഷണത്തെ തുടർന്നാണ് നടപടി. കൂടാതെ മാലിന്യ സംസ്കരണത്തിന്റെ കാര്യത്തിലും കമ്പനികൾ തീരെ ശ്രദ്ധിക്കുന്നില്ലെന്നും പരാതി ഉണ്ട്. കോളയ്ക്കു പകരം നാടൻ പാനീയങ്ങളും കരിക്കും വില്പന നടത്താനാണ് ഉദ്ദേശിക്കുന്നത്. നിരോധനത്തെ കുറിച്ചുള്ള അന്തിമ  തീരുമാനം അടുത്ത ആഴ്ച ചേരുന്ന വ്യാപാരി വ്യവസായി ഏകോപന സമിതിയുടെ യോഗത്തിൽ ഉണ്ടാവും.