Hot Topic

പാലക്കാട്: നെഹ്റു ഗ്രൂപ്പ് ചെയര്‍മാന്‍ പി. കൃഷ്ണദാസിനെ വിദ്യാര്‍ഥിയെ മര്‍ദ്ദിച്ച കേസിൽ പോലീസ് അറസ്റ് ചെയ്തു. ലക്കിഡി കോളേജിലെ വിദ്യാര്‍ഥിയെ മര്‍ദ്ദിച്ച കേസിലാണ് അറസ്റ്റ്. തൃശ്ശൂര്‍ റൂറല്‍ എസ്പിയുടെ നേതൃത്വത്തിലാണ് കസ്റ്റഡിയിലെടുത്തത്. കൃഷ്ണദാസിനെ കൂടാതെ നെഹ്റു ഗ്രൂപ്പ് ലീഗല്‍ അഡ്വൈസര്‍ സുചിത്ര, പിആര്‍ഒ വത്സലകുമാര്‍, കോളേജിലെ അധ്യാപകനായ സുകുമാരന്‍ എന്നിവരേയും കസ്റ്റഡിയിലെടുത്തിട്ടുണ്ട്.

കോളേജിന്റെ അനധികൃത പണപ്പിരിവുകളെക്കുറിച്ച് പരാതിപ്പെട്ടതിന് ചെയര്‍മാന്‍ കൃഷ്ണദാസ് തന്നെ മര്‍ദ്ദിച്ചുവെന്നും നിര്‍ബന്ധിച്ച് പരാതി പിന്‍വലിപ്പിച്ചെന്നും ചോദിക്കാനെത്തിയ രക്ഷിതാവിനെ ഭീഷണിപ്പെടുത്തിയെന്നും കാണിച്ച് എല്‍.എല്‍.ബി. വിദ്യാര്‍ഥി ഷഹീര്‍ ഷൗക്കത്ത് അലി(22)ആണ് പരാതി നൽകിയത്. കോളജിൽ കൃഷ്ണദാസിന്റെ ഓഫീസിൽ വെച്ച്  തന്നെ  മർദിക്കുകയും പരാതി പിൻവലിക്കുന്നതുൾപ്പെടെ ഉള്ള പല പേപ്പറുകളിലും നിർബന്ധിച്ചു ഒപ്പു ഇടീപ്പിക്കുകയും ചെയ്തതായി വിദ്യാർത്ഥി പറഞ്ഞു. രാവിലെ 9.30ന്  മുറിയില്‍ തടഞ്ഞുവച്ച ഷഹീറിനെ വൈകീട്ട് 5.30നാണ് വിട്ടയക്കുന്നതെന്നും പരാതിയില്‍ പറഞ്ഞിട്ടുണ്ട്.

ഹൈദരാബാദ്: മുഖ്യമന്ത്രി പിണറായി വിജയൻ ഹൈദരാബാദില്‍. ബി ജെ പി അല്ലാത്ത സർക്കാരുകളോട് കേന്ദ്ര സർക്കാർ വിവേചനം കാണിക്കുന്നുവെന്ന് മുഖ്യമന്ത്രി പിണറായി വിജയന്‍. ആര്‍എസ്എസ് സംഘപരിവാര്‍ സംഘടനകളുടെ ഭീഷണി മറികടന്നാണ് മുഖ്യമന്ത്രി വേദിയിലെത്തിയത്. ഇതിനിടെ മുഖ്യമന്ത്രി പങ്കെടുത്ത മറ്റൊരു പരിപാടിയിലേക്ക് എബിവിപി പ്രവര്‍ത്തകര്‍ മാര്‍ച്ച് നടത്തി. ഇവരെ പോലീസ് അറസ്റ്റ് ചെയ്ത് നീക്കി. മഹാജനപദയാത്രയുടെ സമാപന സമ്മേളനത്തില്‍ വന്‍ജനപങ്കാളിത്തമാണ് ഉണ്ടായിരുന്നത്. ബിജെപി തനിക്കെതിരെ മുഴക്കുന്ന ഭീഷണി കാര്യമാക്കുന്നില്ലെന്നു സദസ്സിനെ അഭിസംബോധന ചെയ്ത് കൊണ്ട് പിണറായി പറഞ്ഞു. നേരത്തെ മംഗളൂരുവിലും പിണറായിയെ കാലുകുത്താന്‍ അനുവദിക്കില്ലെന്ന് സംഘപരിവാര്‍ ഭീഷണിപ്പെടുത്തിയിരുന്നെങ്കിലും കനത്ത സുരക്ഷയിൽ അദ്ദേഹം പരിപാടിയിൽ പങ്കെടുക്കുക തന്നെ ചെയ്തു.

പാരീസ് : ഫ്രാന്‍സിലെ പാരീസ്-ഒര്‍ലി വിമാനത്താവളത്തില്‍ സുരക്ഷാ ഉദ്യോഗസ്ഥന്റെ തോക്ക് പിടിച്ചുവാങ്ങാന്‍ ശ്രമിച്ചയാളെ പോലീസ് വെടിവെച്ച് കൊന്നു. മരിച്ചയാള്‍ ആരാണെന്ന് വ്യക്തമായിട്ടില്ല. സംഭവത്തെത്തുടര്‍ന്ന് വിമാനത്താവളത്തില്‍ നിന്ന് ആളുകളെ ഒഴിപ്പിക്കുകയും വിമാനത്താവളത്തിന്റെ നിയന്ത്രണം സൈന്യം ഏറ്റെടുക്കുകയും ചെയ്തു.