വാഷിങ്ടൺ:വിഖ്യാത ശാസ്ത്രജ്ഞൻ സ്റ്റീഫൻ ഹോക്കിങ്‌സ് അന്തരിച്ചു.മോട്ടോർ ന്യൂറോൺ എന്ന രോഗബാധയെ തുർന്ന് വീൽചെയറിലായിരുന്നു അദ്ദേഹത്തിന്റെ ജീവിതം.ബുധനാഴ്ച പുലർച്ചെയായിരുന്നു ഹോക്കിങ്സിന്റെ അന്ത്യം.മക്കളാണ് മരണ വിവരം പുറത്തുവിട്ടത്. നിലവിൽ കേംബ്രിഡ്ജ് യൂണിവേഴ്സിറ്റിയിലെ ഗണിതശാസ്ത്രത്തിലെ ലുക്കാഷ്യൻ പ്രഫസർ സ്ഥാനം വഹിച്ചുവരികയായിരുന്നു.1942 ജനുവരി എട്ടിന് ഓക്സ്ഫോർഡിലാണ്‌ സ്റ്റീഫൻ ഹോക്കിംഗ് ജനിച്ചത്.ഭൗതിക ശാസ്ത്രജ്ഞനും ചിന്തകനുമായ ഹോക്കിങ്സിന്റെ ജീവിതം പുസ്തകങ്ങളിലൂടെയും ചലച്ചിത്രങ്ങളിലൂടെയും പുറത്തുവന്നിട്ടുണ്ട്. പതിനേഴാം വയസ്സിൽ ഓക്സ്ഫോര്‍ഡ് യൂണിവേഴ്സ്റ്റിയില്‍ നിന്നാണ് അദ്ദേഹം ഭൌതികശാസ്ത്രത്തില്‍ ബിരുദം കരസ്ഥമാക്കുന്നത്.കേംബ്രിഡ്ജ് യുണിവേസിറ്റിയിൽ ഗവേഷണ ബിരുദത്തിനു പഠിച്ചുകൊണ്ടിരിക്കെയാണ് അദ്ദേഹത്തിന്റെ കൈകാലുകൾ തളർന്നു പോയത്.പിന്നീട് വീല്‍ചെയറില്‍ സഞ്ചരിച്ച് ശാസ്ത്രലോകത്തെക്കുറിച്ചുള്ള തന്റെ ആശയങ്ങളും കണ്ടുപിടിത്തങ്ങളും അദ്ദേഹം ലോകത്തോടു പങ്കുവെച്ചു.തമോഗര്‍ത്തങ്ങളെ കുറിച്ചുള്ള ഹോക്കിങിന്റെ സംഭാവനകള്‍ ശ്രദ്ധേയമാണ്. എ ബ്രീഫ് ഹിസ്റ്ററി ഓഫ് ടൈം എന്ന പ്രശസ്തമായ ഗ്രന്ഥം രചിച്ചത് അദ്ദേഹമാണ്.
