കണ്ണൂർ : തലശ്ശേരിയിൽ കലുങ്ക് വൃത്തിയാക്കുന്നതിനിടെ വടിവാളുകൾ കണ്ടെത്തി. ദേശീയ പാതയ്ക്ക് സമീപം പുന്നോൽ മാപ്പിള എൽപി സ്‌കൂളിനടുത്ത് നിന്നാണ് വടിവാളുകൾ കണ്ടെത്തിയത്.ചാക്കിൽ കെട്ടി സൂക്ഷിച്ച നിലയിൽ ആറ് വടിവാളുകളാണ് കണ്ടെത്തിയത്. വാളുകളിൽ തുരുമ്പു വന്നിട്ടുണ്ട്. ഒരു വർഷം മുൻപ് ഒളിപ്പിച്ച വടിവാളുകളാണ് ഇതെന്നാണ് പോലീസ് നിഗമനം.സംഭവത്തിൽ പോലീസ് അന്വേഷണം ആരംഭിച്ചു.ഈ മാസം ഇത് രണ്ടാം തവണയാണ് കണ്ണൂരിൽ നിന്നും വടിവാളുകൾ കണ്ടെടുക്കുന്നത്. മെയ് മൂന്നിന് പിണറായി ഉമ്മൻചിറ കുഞ്ഞിപ്പള്ളിയ്ക്ക് സമീപമുള്ള സ്വകാര്യ വ്യക്തിയുടെ സ്ഥലത്തു നിന്നും വടിവാളുകൾ കണ്ടെടുത്തിരുന്നു. ചാക്കിൽക്കെട്ടി സൂക്ഷിച്ച നിലയിലായിരുന്നു വടിവാളുകൾ. എട്ട് വടിവാളുകളാണ് പിടിച്ചെടുത്തത്.