ന്യൂഡൽഹി:ഗംഗ,യമുന നദികൾക്ക് മനുഷ്യതുല്യമായ പദവി നൽകിയ ഉത്തരാഖണ്ഡ് ഹൈക്കോടതി വിധി സുപ്രീം കോടതി സ്റ്റേ ചെയ്തു.പുണ്യ നദികൾ എന്ന പരിഗണനയിലാണ് മുൻപ് ഉത്തരാഖണ്ഡ് ഹൈക്കോടതി ഇരു നദികൾക്കും മനുഷ്യതുല്യമായ പദവി നൽകിയത്.ഉത്തരാഖണ്ഡിലെ ബി.ജെ.പി സർക്കാരിന്റെ ഹർജിയിലാണ് സ്റ്റേ.കഴിഞ്ഞ മാർച്ചിലാണ്‌ ഉത്തരാഖണ്ഡ് ഹൈക്കോടതി വിധി പ്രഖ്യാപിച്ചത്.ഇന്ത്യൻ ഭരണ ഘടന പൗരന് നൽകുന്ന എല്ലാ അവകാശങ്ങൾക്കും ഈ നദികളും അർഹരാണെന്ന് ഡിവിഷൻ ബെഞ്ച് വിധിച്ചിരുന്നു.നമാമി ഗംഗ പദ്ധതി ഡയറക്ടർ,ഉത്തരാഖണ്ഡ് അഡ്വക്കേറ്റ് ജനറൽ,ചീഫ് സെക്രട്ടറി എന്നിവരെ നദികളുടെ നിയമപരമായ രക്ഷിതാക്കൾ ആയി പ്രഖ്യാപിച്ചിരുന്നു.പക്ഷെ ആ വിധിയിലുള്ള ഗംഗ,യമുന നദികളിലെ വെള്ളപ്പൊക്കം മൂലം ആർക്കെങ്കിലും ദോഷം സംഭവിച്ചാൽ ചീഫ് സെക്രട്ടറി ഉത്തരവാദി ആകേണ്ടിവരുമെന്ന പ്രസ്താവനയാണ് ഹൈക്കോടതി വിധിക്കെതിരെ സുപ്രീം കോടതിയെ സമീപിക്കാൻ ഉത്തരാഖണ്ഡ് സർക്കാരിനെ പ്രേരിപ്പിച്ചത്.